DECEMBRO 2011

28/12/2011

CAMPIONATOS DE ESPAÑA DE SELECCIÓNS AUTONÓMICAS
Catro rapaces das Escolas de Balonmán Xiria convocados nas diferentes seleccións galegas.

Juan Carlos Rodríguez Ortiz, coa selección infantil, e Iván Campos Varela, coa cadete, viaxarán a Murcia, lugar onde se disputará, entre o 2 e o 7 de xaneiro, o torneo nesas dúas categorías, mentres que David García Pichel e Miguel Suárez-Pumariega Ortiz acudirán coa selección xuvenil a Granada onde se desenvolverá o torneo xuvenil entre o 3 e o 8 de xaneiro.

Salientar tamén a participación de outros dous carballeses nos campionatos de Murcia, a responsable deportiva do Balonmán Xallas, Jessica Posse, axudante do seleccionador infantil feminino, e o delegado provincial na Coruña da FGBM, Bruno López, que será o xefe da expedición galega.

CRÓNICAS CATEGORÍAS DE BASE

CONVOCATORIA SELECCIÓN GALEGA XUVENIL

David García e Miguel Suárez-Pumariega foron covocados para formara parte da Selección Galega Xuvenil que disputará na localidade portuguesa de Fafe o "Torneo Internacional Cidade de Fafe" entre os días 28 e 30 de decembro.

22/12/2011

DIVISIÓN DE HONRA XUVENIL
O xoves 22 e venres 23 o Ifecgás Pereira Xiria xogará os partidos que ten aprazados pertencentes ás xornadas 3 e 7. O xoves o equipo carballés enfróntase a domicilio, ás 20.15 h no Pav. Mpal. do Porriño, ao Balonmano Porriño, mentres que o venres recibe, ás 18.00 h no Vila de Noia, a visita do Hidromiño Atl. Novás. De conseguir alomenos tres dos catro puntos en xogo o equipo carballés garantiría irse ao parón do Nadal como líder en solitario e único equipo invicto da categoría, á espera de enfrontarse á S.D. Teucro, actual líder e un dos principais favoritos ao título, unha vez que se reanude a competición a mediados de xaneiro na xornada que pechará a primeira volta da liga.

22/12/2011

CADETE, INFANTIL E ALEVÍN. PARTIDOS AMIGABLES EN SANTA COMBA
O xoves 22, en xornada de tarde, haberá varios partidos amigables nas categorías cadete, infantil e alevín estre os equipos das Escolas de Balonmán Xiria, Balonmán Xallas e Selección de Ourense. Os partidos terán lugar nos pavillóns de Fontenla en santa Comba e de Traba en Castriz.

CRÓNICAS CATEGORÍAS DE BASE

21/12/2011

CONVOCATORIA SELECCIÓN GALEGA CADETE

Iván Campos foi seleccionado para formar parte da Selección Galega Cedete Masculino  que realizará unha concentración de preparación para o Campionato de España de Seleccións Territoriais do día 28 ata ao 30 de decembro na Residencia da ”Cidade Infantil Principe Felipe” en Pontevedra.

21/12/2011

CONVOCATORIA SELECCIÓN GALEGA INFANTIL

Juan Carlos Rodríguez seleccionado para formar parte da Selección Galega Infantil Masculino  que realizará unha concentración do 22 ao 24 de decembro na Residencia da ”Cidade Infantil Principe Felipe” en Pontevedra con vistas á preparación para o Campionato de España de Seleccións Territoriais.

20/12/2011

16/12/2011

PREVIA DA XORNADA

LIGA DE 1ª DIVISIÓN ESTATAL

Décimo terceira xornada de liga na 1ª División Estatal, derradeira da primeira volta da competición. Partido histórico o que se disputará o sábado a partir das 18.30 h no Pavillón Municipal Vila de Noia de Carballo entre o Calvo Xiria e o Bm. Camariñas Conservas Boya. Impartirán xustiza os colexiados Fernando e Pedro Eiras Abalde, pertencentes á Federación Territorial de Galicia.

Está de noraboa o balonmán de Bergantiños e Costa da Morte coa disputa do primeiro derbi entre Calvo Xiria e Bm. Camariñas na 1ª División Estatal, 3ª categoría en importancia do balonmán español. Máis aínda tendo en conta que entre os dous planteis tan só hai un xogador que non é da zona. A plantilla do Xiria está integramente formada por xogadores carballeses saídos das súas categorías de base, mentres que no cadro camariñán agás os carballeses Pombo e Victor, o pontecesán José Ramón (os tres formados na base do Xiria) e o dezano Salva, o resto dos seus compoñentes son orixinarios da localidade palilleira.

No cadro que adestra José Juan Estévez “Jota”, ademais dos xogadores citados anteriormente podemos destacar a xogadores como Cristian, Fabián, Felipe, Catalán, Xabi e o ex-Xiria Borja. O equipo camariñán situase na 12ª posición da táboa, con un punto de vantaxe sobre a S.A.R. que ocupa posto de descenso, polo que puntuar en Carballo sería importantísimo para irse ao parón do Nadal con unha pequena marxe de vantaxe sobre o perigo.

Pero non menos importante é este encontro para o equipo carballés. O Calvo Xiria, 5º clasificado, precisa obter a vitoria se non quere ver como se lle escapan os catro primeiros clasificados. No cadro carballés é dúbida o concurso de Jesús e Marcos Rodríguez non poderá contar cos mancados Chimpo, Brais e Cuco. As boas novas chegan por parte deste último xa que a súa lesión de xeonllo quedouse nunha escordadura e estará dispoñible para o comezo da segunda volta.

Agárdase unha excelente presenza de afeccionados na Zona Escolar, na que os Xiriareiros volverán a ser unha parte fundamental para tentar acadar un novo trunfo por parte dos de Carballo.

No último precedente entre estes dous equipos, o pasado 20 de agosto en partido pertencente á 1ª eliminatoria da Copa Galicia, o Calvo Xiria conseguía a vitoria por 36-26. 

LIGA DE DIVISIÓN DE HONRA XUVENIL

O Ifecgás Pereira Xiria viaxa a Pontevedra para enfrontarse, en partido pertencente á décima xornada, ao Club Cisne de Balonmán. Os carballeses, que aínda non coñecen a derrota son terceiros na táboa a dous puntos do liderato, pero con dous encontros menos disputados que os dous primeiros clasificados, mentras que os do Lérez están na novena posición. O encontro dispútase o sábado ás 12.30 h no Pavillón do Centro Galego de Tecnificación Deportiva da Xunta de Galicia.

LIGA DE DIVISIÓN DE HONRA CADETE

O Decoraciones J. Bello Xiria enfróntase a domicilio, na décima xornada de liga, sábado ás 11.15 h no Pavillón do Centro Galego de Tecnificación Deportiva da Xunta de Galicia, ao Club Cisne de Balonmán. Os carballeses son quintos na clasificación, aínda que a bastante distancia de puntos dos catro primeiros, e os pontevedreses, que aínda non puntuaron, pechan a táboa.

LIGA DE DIVISIÓN DE HONRA INFANTIL

Décimo segunda xornada de liga para un Garaysa Xiria que recibe nun derbi provincial, domingo ás 12.00 h no Polideportivo Mpal. Carballo Calero, a visita do Novacaixagalicia O.A.R. Coruña. Os de Carballo marchan na sexta posición mentres que os herculinos son penúltimos.

CAMPIONATO PROVINCIAL INFANTIL

Segunda xornada na fase de grupos da liga provincial na categoría infantil. Os dous equipos das Escolas de Balonmán Xiria diputan o sábado os seus encontros como locatarios. O Marmolería José Rey Xiria xoga ás 10.30 h no Polideportivo Mpal. Carballo Calero fronte á Escola Mpal. De Camariñas mentres que o E.B. Xiria enfróntase, ás 12.30 h no Pavillón do C.E.I.P. Fogar, ao Balonmán Ártabro “B”.

CAMPIONATO PROVINCIAL ALEVÍN

Cuarta xornada na competición provincial en categoría Alevín. Dispútanse tres partidos na mañá do sábado, todos eles no Pavillón do C.E.I.P. Fogar: LK XIRIA – CONFIRO CONSTRUCCIONES XIRIA, MARMOLERÍA JOSÉ REY XIRIA – C.E.I.P. FOGAR e LK XIRIA – C.E.I.P. FOGAR.

CAMPIONATO PROVINCIAL BENXAMÍN

Tamén se disputa, na mañá do sábado no Pavillón do CE.I.P. Fogar, a cuarta xornada na competición provincial benxamín cos seguintes partidos: AFRICLIBER XIRIA – OAK ENGLISH CENTRE XIRIA, PUNTA DEL ESTE XIRIA  – C.E.I.P. FOGAR e C.E.I.P. FOGAR – AFRICLIBER XIRIA.

15/12/2011

CONVOCATORIA SELECCIÓN GALEGA XUVENIL

David García e Miguel Suárez-Pumariega convocados para unha sesión de adestramento o domingo 18 no Pavillón Mpal. de Chapela.

15/12/2011

CONVOCATORIA SELECCIÓN GALEGA CADETE

Iván Campos convocado para unha sesión de adestramento o domingo 18 no Pavillón Lalín Arena.

15/12/2011

CONVOCATORIA SELECCIÓN GALEGA INFANTIL

Juan Carlos Rodríguez convocado para unha sesión de adestramento o domingo 18 no Pavillón Municipal de Chapela.

CRÓNICAS CATEGORÍAS DE BASE

PREVIA DA XORNADA

LIGA DE 1ª DIVISIÓN ESTATAL

Dispútase a décimo segunda xornada de liga na 1ª División Estatal. O Calvo Xiria viaxa a Asturias para medirse ao Café Toscaf de Avilés, sábado ás 18.00 h no Pavillón Mpal. de La Magdalena. O partido será dirixido polos colexiados Jesús Álvarez Menéndez e Jesús García Gavilán pertencentes á Federación Territorial do Principado de Asturias.

Visita o Calvo Xiria a pista dun histórico na categoría, unha cancha que historicamente non se lles deu especialmente ben aos de Carballo, pero que nas dúas últimas campañas parece que hai un cambio de tendencia, cun empate hai dúas tempadas e unha vitoria do Xiria o curso pasado.

O conxunto de Avilés, décimo clasificado con 10 puntos, 4 menos que o Xiria, é un equipo moi potente no plano defensivo, actualmente a cuarta mellor defensa do campionato, tan só superada polas do Calvo Xiria, Chapela e O.A.R.. O cadro avilesino, con varias baixas importantes respecto á pasada campaña e varios dos seus efectivos lesionados nas primeiras xornadas, tivo un comezo titubeante da competición pero parece que lle vai tomando o pulso segúndo avanzan as xornadas. O plantel que dirixe Juanín García, está formado por unha mestura entre xogadores veteranos e con experiencia en categorías superiores e os xoves valores da prolífica canteira asturiana. Podemos destacar nomes como o de Avelino Solís, Israel, Camilo, David Prieto, Jorge García, Veleda, Conlledo ou os xoves Adrián, Rubén e Abel.

O técnico da Avilesina declaraba o seguinte sobre o cadro carballés o pasado xoves no diario asturiano “El Comercio”: «Personalmente es uno de los equipos en el que creo que deberíamos de mirarnos un poco todos los clubes. La temporada que hicieron el año pasado fue excepcional, todos los años pierden jugadores, pero siempre están ahí peleando por meterse arriba. Es un equipo digno de elogio que mima la cantera. Saben perfectamente lo que tienen que hacer y es muy complicado vencerles»..

Pola súa banda, o equipo de Carballo continua coas importantes baixas de Chimpo, Brais e Cuco e o xuvenil Miguel, tras o excelente partido que realizou ante o Ademar, é dúbida por motivos de estudos. Marcos Rodríguez recupera para este encontro ao xuvenil David e ao meta Kike, que non diputaron o choque fronte aos leoneses. O Calvo Xiria deberá sacar a relucir as súa virtudes se quere traer un resultado positivo da dificil pista asturiana. Para os carballeses sería un paso moi importante sumar dúas vitorias nas dúas xornadas que quedan da primeira volta, fronte a dous rivais que non llo porán nada doado, primeiro en Avilés e despois na zona escolar no derbi fronte ao Camariñas, para marcharse ao parón navideño coa satisfacción de ter realizada unha excelente primeira metade da competición, a pesar das continxencias en forma de lesións, e continuar enganchados aos primeiros postos da táboa clasificatoria.

LIGA DE DIVISIÓN DE HONRA XUVENIL

O Ifecgás Pereira Xiria recibe, en partido pertencente á novena xornada, ao Balonmán Rasoeiro, penúltimo clasificado, co obxectivo de conseguir unha nova vitoria que os manteña imbatidos na competición. O partido dispútase o domingo ás 12.15 h no Pavillón Mpal. Vila de Noia de Carballo.

LIGA DE DIVISIÓN DE HONRA CADETE

Na novena xornada de liga, O Decoraciones J. Bello Xiria enfróntase, domingo ás 10.45 h no Pavillón Mpal. Vila de Noia de Carballo, ao Balonmán Pabellón Ourense. Os carballeses situánse na zona media da táboa mentres que os ourensáns marchan na penúltima posición.

CRÓNICAS CATEGORÍAS DE BASE

CONVOCATORIA PRESELECCIÓN GALEGA CADETE

Iván Campos convocado para disputar coa Selección Galega Cadete o "XI Torneo de Seleccións Territoriais Comunidad de Madird" que se disputa entre os días 8 e 10 de decembro. Os rivais do combinado galego  serán as seleccións de Asturias, Valencia e Madrid.

CONVOCATORIA SELECCIÓN GALEGA INFANTIL

Juan Carlos Rodríguez convocado para disputar coa Selección Galega Infantil o "XI Torneo de Seleccións Territoriais Comunidad de Madird" que se disputa entre os días 8 e 10 de decembro. Os rivais de Galicia serán as seleccións de Asturias, Valencia e Madrid.

05/12/2011

02/12/2011

PREVIA DA XORNADA 

LIGA DE 1ª DIVISIÓN ESTATAL

Décimo primeira xornada de liga na 1ª División Estatal. O Calvo Xiria recibe a visita do Universidad de León Ademar. O partido xógase o sábado ás 18.30 h, no Pavillón Municipal Vila de Noia de Carballo e será dirixido polos colexiados Andrés Rosendo López e Sergio Rodríguez Estévez.

Chega á “Zona Escolar” un dos máximos aspirantes ao título ligueiro. Un Universidad de León Ademar que a pasada campaña militou na División de Honra Prata e que é filial de un dos mellores equipos do país.

O conxunto leonés, que prepara Diego Dorado, conta con un plantel moi xoven no que a maioría dos seus compoñentes foron e son internacionais coas seleccións españolas de categoría de base. Varios deles son habituais do primeiro equipo polo que é posible que algún deles non sexa convocado e viaxe a Belgrado para disputar o domingo o encontro de Liga da Campións entre o RK Partizan Beograd e o Reale Ademar.

Lembremos a boa relación que manteñen os dous clubs e que desembocou na sinatura dun convenio colaboración para a promoción dos xoves talentos no balonmán.

Dentro dun plantel con unha gran calidade en todos os seus compoñentes podemos destacar a xogadores como Iosu Goñi, Jaime, Cabanas, Molina e ao galego Piñeiro, habitual xunto co carballés David García nos combinados nacionais promesas e xuvenil. O conxunto ademarista chega a Carballo como terceiro clasificado, a un punto do líder Zamora e con tres máis que os carballeses que son quintos. A bagaxe dos leoneses é de seis vitorias, tres empates e tan só unha derrota, na pista do Cangas na sexta xornada.

Complicado partido para un Calvo Xiria, quinto clasificado con 12 puntos, que de facerse cos dous puntos daría un paso importante na loita polos primeiros postos xa que vencería ao terceiro clasificado e ademais a xornada tamén depara un choque entre os dous primeiros, Zamora e Porriño.

No equipo de Marcos Rodríguez continuan sendo baixas Chimpo, a quen xa lle retiraron as muletas, Brais, que deberá alomenos gardar repouso outras dúas semanas, e Cuco, a quen lle realizaron o xoves unha resonancia no seu xeonllo mancado e está á espera de coñecer o diagnóstico definitivo. O meta Kike tamén causa baixa para este encontro ao atoparse de viaxe. Jesús e Dubra arrastran molestias de tipo muscular que non lles impedirán ser da partida. O resto do plantel atópase en óptimas condicións.

De novo volverá a xogar un papel importantisimo a fiel hinchada carballesa que a bo seguro encherá de novo a “Zona Escolar”.

LIGA DE DIVISIÓN DE HONRA XUVENIL

O Ifecgás Pereira Xiria recibe, en partido aprazado pertencente á cuarta xornada, ao Las Cinco Jotas Lavadores, outro dos conxuntos chamados a pelexar polo título de liga. Os carballeses, que levan catro vitorias e un empate, aínda non coñecen a derrota e tentarán minimizar o punto perdido no derradeiro segundo do partido ante o Lalín da pasada xornada. Ochoque dispútase o domingo ás 12.15 no Pavillón Mpal. Vila de Noia de Carballo.

LIGA DE DIVISIÓN DE HONRA CADETE

O Decoraciones J. Bello Xiria enfróntase ao Las Cinco Jotas Lavadores, en encontro aprazado da cuarta xornada de liga. O partido xógase o domingo ás 10.30 h no Pavillón Mpal. Vila de Noia de Carballo.

LIGA DE DIVISIÓN DE HONRA INFANTIL

Décimo primeira xornada de liga para un Garaysa Xiria que volve a xogar a domicilio. Nesta ocasión os carballeses visitan Ourense para enfrontarse, o sábado ás 13.00 h no Pavillón dos Remedios, penúltimo clasificado, o sábado ás 13.00 h.

CAMPIONATO PROVINCIAL INFANTIL

Comeza a liga provincial na categoría infantil, na que as Escolas de Balonmán Xiria contarán con dous equipos. Nesta primeira xornada o E.B. Xiria recibe ao Alcampo C.D. Conxo, sábado ás 11.30 h no Vila de Noia,  e o Marmolería José Rey Xiria visita a pista do Bm. Ártabro “B”, sábado ás 12.30 h no Pavillón Novo Mesoiro.

CAMPIONATO PROVINCIAL ALEVÍN

Terceira xornada na competición provincial en categoría Alevín. Dispútanse catro partidos na mañá do sábado, todos eles no Pavillón do C.E.I.P. Fogar: BALONMÁN XALLAS – MARMOLERÍA JOSÉ REY XIRIA, LK XIRIA – ALCAMPO C.D. CONXO, ALCAMPO C.D. CONXO – BALONMÁN XALLAS, C.E.I.P. FOGAR – CONFIRO CONSTRUCCIONES XIRIA

CAMPIONATO PROVINCIAL BENXAMÍN

Tamén se disputa, na mañá do sábado no Pavillón do CE.I.P. Fogar, a terceira xornada na competición provincial benxamín cos seguintes partidos: ALCAMPO C.D. CONXO – PUNTA DEL ESTE XIRIA, AFRICLIBER XIRIA – BALONMÁN XALLAS, BALONMÁN XALLAS – OAK ENGLISH CENTRE XIRIA, ALCAMPO C.D. CONXO – C.E.I.P. FOGAR.

CONVOCATORIA PRESELECCIÓN GALEGA XUVENIL

David García e Miguel Suárez-Pumariega convocados para unha sesión de adestramento o domingo 4 no Pavillón Municipal de Chapela.

CONVOCATORIA PRESELECCIÓN GALEGA CADETE

Enrique Pena e Iván Campos convocados para unha sesión de adestramento o domingo 4 no Pavillón Restollal (Santiago de Compostela).

CONVOCATORIA PRESELECCIÓN GALEGA INFANTIL

Juan Carlos Rodríguez convocado para unha sesión de adestramento o domingo 4 no Pavillón Municipal de Chapela.

NOVEMBRO 2011

24/11/2011

PREVIA DA XORNADA 

LIGA DE 1ª DIVISIÓN ESTATAL

Décima xornada de liga na 1ª División Estatal. O Calvo Xiria desprázase ata Redondela para medirise ao S.A.R. Plastic Omnium. O partido dispútase o sábado ás 18.30 h, no Pavillón Municipal de Redondela. O encontro será dirixido polos árbitros Jonathan García Gálvez e Andrés Bellido Sánchez.

O Calvo Xiria rende visita ao penúltimo clasificado, un equipo que está a loitar por sair das prazas de descenso, salvación que agora mesmo ten a tan só un punto. O equipo de Redondela, que prepara Pablo Muíños, leva conseguidas dúas vitorias, ambas no seu feudo, e un punto que acadou a domicilio na pista de Camiriñas. O cadro redondelán conta no seu plantel cunha mestura de xogadores experimentados na primeira estatal como o meta Marcos, Luís Ron (que é baixa ao estarse recuperando dunha lesión), Guta, Carlos Rey, Damián, Tito e Fabián con outros xoves valores da canteira redondelana.

No Calvo Xiria, continúan as malas novas, a enfermería sigue chea. Chimpo, Brais e Cuco non serán da partida. Chimpo evoluciona favorablemente da sua lesión no nocello e continua co seu proceso recuperación e Brais ten problemas nun xeonllo que xa lle impediron disputar os últimos encontros. A eles súmase agora Cuco, que recibía nun xeonllo un golpe de xeito furtuito na primeira xogada do encontro da pasada xornada. O pivote carballés está á espera de que lle realicen unha resonancia para coñecer o alcance dos danos, pero na mellor das previsións perderase o que resta da primeira volta da competición. Outro duro golpe para os de Marcos Rodríguez que tentarán volver á senda do trunfo tras a derrota sufrida ante o Porriño. Ademais das referidas baixas é dúbida para disputar este encontro o capitán Adrián Dubra cun problema muscular. 

LIGA DE DIVISIÓN DE HONRA XUVENIL

O Ifecgás Pereira Xiria visita, na oitava xornada de liga, a pista do Clínica Deza Balonmán Lalín, sábado ás 20.00 h no Lalín Arena, co obxectivo de sumar a súa quinta vitoria noutros tantos encontros disputados e continuar invicto na competición.

LIGA DE DIVISIÓN DE HONRA CADETE

O Decoraciones J. Bello Xiria enfróntase a domicilio, na oitava xornada de liga, sábado ás 16.15 h no Lalín Arena, ao Portadeza Lalín, un dos favoritos ao título de liga. Os de Carballo viaxan coa ilusión de plantarlle cara aos dezanos logo da importante vitoria e bo xogo amosado na pasada xornada ante o Ártabro.

LIGA DE DIVISIÓN DE HONRA INFANTIL

Décima xornada de liga para un Garaysa Xiria que viaxa ata Pontevedra para enfrontarse ao Club Cisne de Balonmán, logo de acadar dous importantes puntos no derbi provincial fronte ao Ártabro. O partido dispútase o sábado ás 12.30 h no Pavillón do Centro Galego de Tecnificación Deportiva da Xunta de Galicia.

CAMPIONATO PROVINCIAL ALEVÍN

Segunda xornada na competición provincial en categoría Alevín. Os tres equipos das Escolas de Balonmán Xiria enfróntanse entre si na mañá do sábado no Pavillón do C.E.I.P. Fogar. Os enfrontamentos son: Marmolería José Rey Xiria – LK Xiria e Confiro Construcciones Xiria – LK Xiria. 

CAMPIONATO PROVINCIAL BENXAMÍN

Tamén se disputa a segunda xornada na competición provincial benxamín cos seguintes partidos: OAK English Centre Xiria – Punta del Este Xiria e Punta del Este Xiria – Aflicliber Xiria. Ambos encontros xóganse o sábado pola mañá no Pavillón do C.E.I.P. Fogar de Carballo.

23/11/2011

CONVOCATORIA PRESELECCIÓN GALEGA CADETE

Enrique Pena e Iván Campos convocados para unha sesión de adestramento o domingo 27 no Pavillón Lalín Arena.

23/11/2011

CONVOCATORIA PRESELECCIÓN GALEGA INFANTIL

Juan Carlos Rodríguez convocado para unha sesión de adestramento o domingo 27 no Pavillón Municipal de Chapela.

18/11/2011

PREVIA DA XORNADA

LIGA DE 1ª DIVISIÓN ESTATAL 

Novena xornada de liga na 1ª División Estatal. O Calvo Xiria recibe a visita do Balonmano Porriño. O partido dispútase o sábado ás 18.30 h, no Pavillón Municipal Vila de Noia de Carballo e será dirixido polos colexiados Carlos Rodríguez Sánchez e Samuel Alonso Herrera pertencentes á Federación Territorial da Comunidade de Madrid.

Chega á Zona Escolar de Carballo un dos equipos que está a loitar polas primeiras prazas. Os do Porriño, nas últimas tempadas, soen comezar moi en forma e moi fortes a competición. O equipo graniteiro situase na cuarta posición, dúas por encima do Calvo Xiria e con un punto máis que os carballeses. A escadra que prepara Luís Montes conta cun plantel moi competitivo no que podemos destacar a xogadores como o meta Antón, os primeiras liñas Celso, Isma, Martín (fichado esta campaña do Bm. Lalín) e o ex-Xiria Sebas, os extremos Carrera e Moncho e os irmáns Freiría, Aitor e Adrián.

O obxectivo do equipo carballés, que leva catro vitorias consecutivas, é o de facerse con dous importantes puntos que lle permitirían subir, como mínino, dous postos na táboa clasificatoria e seguir na pelexa polas primeiras prazas. Parte importante para acadar unha nova vitoria volveran ser os “Xiriareiros” carballeses que a bo seguro volverán encher a “Zona Escolar” e non deixarán de apoiar aos verdes durante todo o encontro.

Marcos Rodríguez continúa cos problemas físicos no plantel. Ademais de Chimpo e Javi Zas, é baixa Brais, que non puido adestrar en toda a semana por problemas nun xeonllo. Son dúbidas o capitán Dubra, que sufría un pinchazo no adestramento do xoves e probablemente se perda o encontro, e o xuvenil Miguel, que non adestrou durante a semana ao sufrir un proceso fébril.

LIGA DE DIVISIÓN DE HONRA XUVENIL

O Ifecgás Pereira Xiria recibe, na sétima xornada de liga, a visita do Hidromiño Atl. Novás. Os carballeses parten co obxectivo de sumar a súa quinta vitoria noutros tantos encontros e continuar invicto na competición. O encontro dispútase o domingo ás 12.00 h no Pavillón Mpal. Vila de Noia.

LIGA DE DIVISIÓN DE HONRA CADETE

O Decoraciones J. Bello Xiria enfróntase, nun derbi provincial, na sétima xornada de liga, ao Bm Ártabro Oleiros JCA. Carballeses e ártabros situanse na zona media da táboa. O partido xógase o sábado ás 12.15 h no Pavillón Mpal. Vila de Noia.

LIGA DE DIVISIÓN DE HONRA INFANTIL

Novena xornada de liga para un Garaysa Xiria que recibe nun derbi provincial a visita do Bm. Ártabro Oleiros JCA. O partido dispútase o sábado ás 10.30 h no Pavillón Mpal. Vila de Noia.

Os púpilos de Fernando Vázquez tamén disputarán na tarde do sábado, 16.45 h no Pavillón do C.E.I.P. Fogar, un partido amigable fornte ao Balonmán Xallas.

CAMPIONATO PROVINCIAL ALEVÍN

Comeza a competición oficial na categoría Alevín. As Escolasde Balonmán Xiria contarán con tres equipos, Marmolería José Rey Xiria e LK Xiria, que competirán no grupo Oeste cos equipos do C.E.I.P. Fogar, Balonmán Xallas, Escola Municipal de Camariñas e Alcampo C.D. Conxo. Os partidos desta primeira xornada dispútanse na mañá do sábado no Pavillón do C.E.I.P. Fogar de Carballo.

CAMPIONATO PROVINCIAL BENXAMÍN

Tamén comeza a competición para os máis cativos. Os tres equipos benxamíns, Africliber Xiria, OAK English Centre Xiria e Punta del Este Xiria, inician o Campionato Provincial. Os equipos carballeses competirán, dentro do grupo Oeste, con C.E.I.P. Fogar, Balonmán Xallas, Escola Municipal de Camariñas e Alcampo C.D. Conxo. Os partidos da primeira xornada dispútanse na mañá do sábado no Pavillón do C.E.I.P. Fogar de Carballo.

18/11/2011

3ª DIVISIÓN AUTONÓMICA. DEBUT DO EQUIPO DE VETERANOS

O novo equipo de veteranos Bm. Xiria Carballo debutou o pasado domingo coa disputa da 2ª xornada de liga na 3ª División Autonómica (categoría reservada a maiores de 35 anos). Os carballeses caeron derrotados por 24-14 (12-5 ao descanso) na pista do Bueu Atl. Balonmán. No equipo de Carballo formaron: Carlos Gómez e José Facal (porteiros) e Juan Ramón, Fran del Valle, Toni García, Luciano Fernández, Alfonso Paradelo, Orlando Fariña, Alfonso Blanco, Javi Teixeira, Carlos Cambón, Roberto Puga, Ángel Puñal e Sergio Antelo, como xogadores de campo. Antón García e Marcos Trigo non puideron disputar o encontro.

O vindeiro compromiso do Xiria será na fin de semana do 26-27 de novembro cando os carballeses reciban a visita do ADC Descubirendo Lugo.

18/11/2011

CONVOCATORIA PRESELECCIÓN GALEGA XUVENL

David García e Miguel Suárez-Pumariega convocados para unha sesión de adestramento o domingo 20 no Pavillón Municipal de Chapela.

17/11/2011

CONVOCATORIA PRESELECCIÓN GALEGA INFANTIL

Juan Carlos Rodríguez convocado para unha sesión de adestramento o domingo 20 no Pavillón Municipal de Chapela.

CRÓNICAS CATEGORÍAS DE BASE

PREVIA DA XORNADA 

LIGA DE 1ª DIVISIÓN ESTATAL

Oitava xornada de liga na 1ª División Estatal. O Calvo Xiria visita a pista do Explotaciones Mineras del Morrazo Bm. Cangas, domingo ás 12.00 h, no Pavillón Municipal do Gatañal, Cangas do Morrazo. Dirixirán o encontro os colexiados José Manuel Iniesta Soriano e Miguel Martín Soria Fabián á Federación Territorial da Comunidade Valenciana.

Visita o cadro carballés O Gatañal, pista de gratos recordos para o Xiria posto que foi alí onde, na derradeira xornada de liga da campaña 2007-2008, conseguía a clasificación para disputar a fase de ascenso a 1ª Estatal, fase que á postre lle daría o ascenso.

O filial do Frigoríficos do Morrazo Cangas está dirixido dende o banco polo xoven técnico (28 anos) Marcos Otero. Trátase dun equipo que combina algo de veteranía con xuventude. No seu plantel podemos atopar xogadores como o veterano César Núñez, fichado recentemente, os metas Lagoa e Villar, o lateral Barreiro e os xoves valores da canteira canguesa Rubén Soliño, Krook, Hugo, Camiña, Pumar e Fabián, xogadores que xa debutaron no Frigoríficos e varios deles son habituais nas convocatorias de Pillo. Os do Morrazo son un equipo que aumenta moito o seu rendemento nos encontros como local, ao poder contar cos rapaces que alternan os dous equipos.  

O Calvo Xiria, tras as dúas últimas vitorias tentará continuar, a pesar do pouco habitual do día e horario do partido, coa súa racha ascendente para non perder comba cos primeiros clasificados. Marcos Rodríguez, ademais das baixas de Chimpo e Javi Zas, terá as dubidas de Brais, recuperándose dunhas molestias nun xeonllo, e Cuco, cun golpe no empeine sufrido no partido contra Chapela e que lle impedíu rematar dito partido. Manu, quen non puido adestrar os primeiros días da semana, ao ter un dedo inmobilizado por un golpe, parece completamente recuperado e poderá ser da partida.

LIGA DE 3ª DIVISIÓN AUTONÓMICA (VETERANOS)

Segunda xornada de liga e primeiro partido para o Bm. Xiria Carballo que se despraza a Bueu para medirse ao Bueu Atl. Balonmán. O encontro dispútase o domingo ás 11.00 h no Pavillón Mpal. de Bueu. Esta categoría está reservada a xogadores maiores de 35 anos e competirán nela 5 equipos, ademáis dos citados anteriormente participan o Bm. Lalín, ADC Descubirendo Lugo e Bm. Sergave Ourense.

LIGA DE DIVISIÓN DE HONRA XUVENIL

O Ifecgás Pereira Xiria visita o Pavillón Mpal. de Bueu, sábado ás 12.30 h, para medirse na 6ª xornada de Liga ao Bueu Atl Bm., coa intención de manter a racha de vitorias que levan no campionato. Os de Fernando Vázquez levan gañados os 3 encontros que disputaron ata o momento.

LIGA DE DIVISIÓN DE HONRA CADETE

O Decoraciones J. Bello Xiria viaxa ata a pista do Bm. Moaña coa intención de sumar un resultado positivo e escalar posicións na táboa, logo do punto perdido no seu feudo na pasada xornada ante o Sedona. O enconto dispútase o domingo na pista moañesa do Rosal ás 12.00 h.

LIGA DE DIVISIÓN DE HONRA INFANTIL

Oitava xornada de liga para un Garaysa Xiria que ven de caer pola mínima, nos derradeiros minutos de partido, co Teucro, un dos equipos máis fortes da categoría. Os de Pablo Filgueira visitan a pista de outro dos grandes candidatos ao título, o La Rosaleda 1997 Bm. Lalín. O encontro xógase o sábado ás 12.00 h no Municipal de Lalín.

INFANTIL PROVINCIAL, ALEVÍN E BENXAMÍN

Os dous equipos infantís provinciais (Marmolería José Rey Xiria e LK Xiria) os tres equipos alevíns (Construcciones Confiro Xiria, LK Xiria e Marmolería José Rey Xiria) e os tres equipos benxamíns (Africliber Xiria, OAK English Centre Xiria e Punta del Este Xiria) desprázaranse na mañá do sábado a Santiago de Compostela para disputar encontros amigables cos distintos conxuntos do C.D. Conxo e Balonmán Xallas. A xornada comezará ás 10.00 h, os infantís no Pavillón Quiroga Palacios e alevíns e benxamíns en Santa Isabel.

09/11/2011

CONVOCATORIA PRESELECCIÓN GALEGA INFANTIL

José Pereira e Juan Carlos Rodríguez convocados para unha sesión de adestramento o domingo 13 no Pavillón Municipal de Chapela.

CRÓNICAS DE BASE

07/11/2011

06/11/2011

PRESENTACIÓN EQUIPOS

Presentacion Equipos 06/11/2011

04/11/2011

PREVIA DA XORNADA 

PRESENTACIÓN OFICIAL DOS EQUIPOS DO CLUB

Antes do encontro de 1ª División Estatal levaremos a cabo o tradicional acto de presentación de todos os equipos das Escolas de Balonmán Xiria. Será o sábado no Pavillón Municipal Vila de Noia e comezará ás 16.30 h.

LIGA DE 1ª DIVISIÓN ESTATAL

Sétima xornada de liga na 1ª División Estatal. O Calvo Xiria recibe a visita do Paraxe Construcciones Bm. Chapela, un dos equipos máis potentes da categoría. O partido dispútase o sábado ás 18.30 h no Pavillón Municipal Vila de Noia. Dirixirán o encontró os colexiados Fernando e Pedro Eiras Abalde pertencentes á Federación Territorial de Galicia.

Chega á Zona Escolar un dos favoritos ao título e a ocupar una das dúas prazas de promoción de ascenso. Os de Chapela marchan na segunda posición da táboa, con 9 puntos, 3 máis que o Calvo Xiria e a tan só un do líder Zamora. A súa bagaxe é de una derrota fronte a Porriño a domicilio, 4 vitorias, ante SAR, Cangas e Avilesina no seu feudo e ante Camariñas a domicilio, e un empate na complicada pista do Ademar. O equipo que prepara Fran Teixeira sufriu as sensibles baixas para esta campaña de homes como Kustov, Abilleira, Herranz ou Pablo Casal. Pola contra reforzouse como xogadores máis significativos co veterano meta Docampo, Sergio Cid e Rafa Gestido, aínda que este último perderase gran parte da competición por lesión. Continúan da pasada campaña no cadro de Chapela importantes efectivos como o ex-Xiria Ángel, Pablo Vidal, Iago Cuadrado, Chema Cid ou o romanés Decu.

O Calvo Xiria, logo da importante e contundente vitoria en Lalín, recargou as pilas e tentarán ofrecerlle á súa afición, que a bo seguro volverá a encher o pavillón para dar azos aos seus, una vitoria logo do último tropezó na casa fronte ao Cisne. Para iso os carballeses deberán esgrimir de novo as súas habituais armas, contundente defensa, mobilidade e velocidade, ante un conxunto que tamén conta cunha contundente defensa e con excelentes individualidades.

Marcos Rodríguez poderá contar con todos os efectivos que se desprazaron a Lalín e recupera ao pivote Álex García que non se puido desprazar a terras do Deza. As baixas son as xa coñecidas de Chimpo e Javi Zas e Brais, a quen lle están a realizar probas no seu xeonllo mancado.

LIGA DE DIVISIÓN DE HONRA XUVENIL

O Ifecgás Pereira Xiria disputa o encontró pertencente á 5ª xornada de liga. Aos carballeses aínda lle quedan pendentes por disputar dous encontros aprazados, pero a sensacións e bagaxe que está a deixar este equipo non pode ser mellor xa que nos dous encontros que disputaron conseguiron derrotar a OAR e Octavio, outros dos conxuntos candidatos ao título. Nesta xornada os de Fernando Vázquez reciben ao Seis do Nadal vigués, domingo ás 12.15 h no Pavillón Mpal. Carballo Calero. 

LIGA DE DIVISIÓN DE HONRA CADETE

O Decoraciones J. Bello Xiria disputa, domingo ás 10.30 h no Pavillón Mpal. Carballo Calero, ante o Seis do Nadal o encontró pertencente á 5ª xornada de liga. O equipo carballés, fomado na súa mayoría por xogadores de primeiro ano, estalle tomando pouco a pouco o pulso á categoría e en cada partido van ofrecendo mellores sensacións.

LIGA DE DIVISIÓN DE HONRA INFANTIL

Sétima xornada de liga para o Garaysa Xiria que recibe, sábado ás 10.30 h no Pavillón Mpal. Vila de Noia, á S.D. Teucro Cover. Os de Pablo Filgueira reciben a un dos conxuntos que aspiran a ocupar as primeiras posición ao remate da competición

INFANTIL TERRITORIAL

Os dous equipos das Escolas de Balonmán Xiria, Marmolería José Rey Xiria e E.B. Xiria desprazanse a Castriz, no municipio de Santa Comba, para xogar encontros amigables cos conxuntos do Balonmán Xallas e C.D. Conxo. Esta xornada terá lugar o sábado no Pavillón do CEIP Pepe de Xan Baña e dará comezo ás 10.00 h.

ALEVÍN E BENXAMÍN

Os seis equipos, tres alevíns (Confiro Construcciones Xiria, Marmolería José Rey Xiria e LK Xiria) e tres benxamíns (OAK English Centre Xiria, Punta del Este Xiria e Africliber Xiria) viaxan á localidade de Santa Comba para xogar partidos amigables fronte aos equipos do Balonmán Xallas e C.D. Conxo. A xornada terá lugar no Pavillón da Fontenla e comezará ás 10.00 h.

04/11/2011

CONVOCATORIA PRESELECCIÓN GALEGA INFANTIL

José Pereira e Juan Carlos Rodríguez convocados para unha sesión de adestramento o domingo 6 no Pavillón Municipal de Chapela.

CRÓNICAS DE BASE

OUTUBRO 2011

PREVIA DA XORNADA

LIGA DE 1ª DIVISIÓN ESTATAL

Sexta xornada de liga na 1ª División Estatal. O Calvo Xiria visita a pista do Embutidos Lalinense-Bm. Lalín, sábado ás 18.30 h, no Pavillón Municipal de Lalín. O partido nun principio estaba previsto que se dispútase no Lalín Arena pero ao atoparse ocupado cun torneo de tenis de mesa o Balonmán Lalín viuse na obriga de trasladalo ao municipal dezano. Impartirán xustiza os colexiados Julián Francisco Cereceda González e José Carlos Friera Cavada pertencentes á Federación Territorial de Asturias.

Enfróntanse dous conxuntos que están a ter un inicio de liga bastante irregular. Ambos con 4 puntos nas sétima e oitava posición da táboa. Os de Lalín levan dúas vitorias, gañaron a Cangas en Lalín e á SAR a domicilio, e tres derrotas, Porriño e Ademar na casa e Avilesina fora. O Xiria tamén conta con dúas vitorias, ambas na zona escolar, polo que o obxectivo non pode ser outro que conseguir o primeiro resultado positivo a domicilio.

A principal novidade do equipo lalinés esta campaña radica no seu banquillo, posto que o asturiano Alfredo Fernández substituiu na dirección do equipo a Alberto Miguélez. Tamén é de destacar as importantes baixas de varios clásicos do conxunto dezano como Martín (Bm. Porriño), Porto (S.D. Teucro) e Josiño. Aínda así manteñen un bloque moi competivo con xogadores como Pincho, Rubén, Bruno, o ex-Xiria Roberto Álvarez “Bombillas”, Granja e os metas Pablo e Durán. Subliñar que o equipo lalinés, ao igual que o Xiria, está composto na súa totalidade por xogadores dezanos. 

No Calvo Xiria, que agarda colleitar o seu primeiro trunfo a domicilio, ás baixas de Javi Zas e Chimpo, esta xornada hai que engadir a do pivote Álex García, un dos baluartes defensivos do equipo, por motivos persoais, mentres que Brais, que non puido disputar o encontro fronte ao Cisne, será dubida por problemas nun xeonllo. Pola conta Marcos Rodríguez recupera a David García, ausente nas dúas últimas xornadas por atoparse coa seleccion española xuvenil disputando un torneo en Dinamarca.

LIGA DE DIVISIÓN DE HONRA XUVENIL

O Ifecgás Pereira Xiria xoga o martes, ás 12.15 h no Pavillón Mpal. Vila de Noia de Carballo, fronte ao Academia Octavio o encontro da segunda xornada de liga que fora aprazado no seu día. Un dos encontros máis atractivos que se poden ver na categoría entre dous conxuntos que aspiran a estar entre os mellores.

LIGA DE DIVISIÓN DE HONRA CADETE

O Decoraciones J. Bello Xiria disputa ante o Academia Octavio o partido aprazado pertencente á segunda xornada de liga. O partido xógase o martes, ás 10.30 h no Pavillón Municipal Vila de Noia de Carballo. Dificil compromiso para os carballeses fronte a un dos aspirantes ao título.

LIGA DE DIVISIÓN DE HONRA INFANTIL

Sexta xornada de liga para o Garysa Xiria que se despraza ata a pista do Bueu Atl. Bm. para disputar un atractivo encontro entre dous conxuntos que iniciaron de forma excelente a campaña. O encontro xógase o domingo, ás 11.30 h, no Pavillón Municipal de Bueu.

INFANTIL TERRITORIAL, ALEVÍN E BENXAMÍN

Nestas tres categorías, o sábado, de 10.00 h a 11.00 h no Pavillón Vila de Noia e de 10.00 h a 13.00 h no Pavillón do CEIP Fogar, teremos partidos amigables entre os distintos equipos das Escolas de Balonmán Xiria, C.D. Conxo de Santiago e Balonmán Xallas de Santa Comba. Os equipos que as Escolas de Balonmán Xiria nestas categorías para esta campaña serán:

-          Infantil: Marmolería José Rey Xiria

-          Alevín: Confiro Construcciones Xiria, Marmolería José Rey Xiria e LK Xiria

-          Benxamín: OAK English Centre Xiria, Punta del Este Xiria e Africliber Xiria

Traballarán como adestradores con estes equipos: Marcos Rodríguez, Fernando Vázquez,  Pablo Filgueira, Adrián Dubra, Jesús Varela e Hugo Rodríguez “Chimpo”.

28/10/2011

CONVOCATORIA PRESELECCIÓN GALEGA INFANTIL

Iván Calvo, José Pereira, Juan Carlos Rodríguez e Carlos Vilanova convocados para unha sesión de adestramento o domingo 30 no Pavillón Municipal de Chapela.

27/10/2011

CONVOCATORIA PRESELECCIÓN GALEGA XUVENL

David García e Miguel Suárez-Pumariega convocados para unha sesión de adestramento o domingo 30 no Pavillón Municipal de Chapela.

CRÓNICAS CATEGORÍA DE BASE

21/10/2011

PREVIA DA XORNADA

LIGA DE 1ª DIVISIÓN ESTATAL

Quinta xornada de liga na 1ª División Estatal. O Calvo Xiria recibe, sábado ás 18.30 h, no Pavillón Municipal Vila de Noia (Zona Escolar) de Carballo, ao Cisne Bm. de Pontevedra. O encontro será dirixido polos colexiados Gheoghe Axanciuc e David Soriano Gil pertencentes á Federación Territorial de Madrid.

Novo choque entre dous equipos que manteñen unha sana e gran rivalidade deportiva dende finais da decada dos 90.

Chega a Carballo un Cisne moi renovado respecto á anterior campaña e cun gran plantel co que aspiran a estar entre os mellores da categoría. No equipo que prepara Emilio Pintos “Milucho” continuan da pasada tempada xogadores de calidade contrastada como os metas Toño Lafuente e Galán, o extremo Pablo Domínguez, os primeiras liñas Pachi, Eloy López, Alberto Casares e o carballés, ex-Xiria, Iván Amarelle, que non poderá xogar ao estar recuperandose dunha lesión de xeonllo. Ademais incorporáronse ao equipo grandes xogadores como os ex-Xiria Xosé Canedo e David “Amor”, Polaco (ex-SAR), Edu Domínguez (da saga dos Domínguez) e Iván Abilleira (procedente do Chapela). O Cisne, logo de colleitar 3 vitorias, ante Porriño, SAR e Avilesina, e unha soa derrota, na pista do líder invicto Ademar, marcha na táboa na cuarta posición con 6 puntos, 2 máis que o Xiria que é sexto.

No Calvo Xiria continuan os problemas coas baixas, especialmente na primeira liña. Ás baixas de longa duración, Chimpo e Javi Zas, hai que engadir a de David, en Dinamarca disputando o torneo Scandibérico coa selección española xuvenil, e a dúbida de Brais, con molestias nun xeonllo. Se se confirma a baixa de Brais, Marcos Rodríguez só poderá contar con tres efectivos para a primeira liña, Pablo, Manu e Ángel. De novo o equipo carballés deberá de basear o seu xogo na velocidade e mobilidade no ataque e na contundencia e intensidade defensiva para tentar conseguir un resultado positivo diante dos seus seareiros. Como ven sendo habitual agardase unha gran afluencia de “Xiriareiros” que cos seus ánimos e apoio axuden ao equipo a levarse os dous puntos.

LIGA DE DIVISIÓN DE HONRA XUVENIL

O Ifecgás Pereira Xiria aprazaou o encontro que debía disputar na pista do Balonmano Porriño debido por mor da convocatoria de David García, que se atopa coa selección nacional xuvenil disputando un torneo en Dinamarca.

LIGA DE DIVISIÓN DE HONRA CADETE

Terceira xornada de liga na que o Decoraciones J. Bello Xiria xoga, domingo ás 10.30 h, no Pavillón Municipal do Porriño, ante o Balonmano Porriño co obxectivo de sumar os seus primeiros puntos, logo de caer derrotado na pista do OAR na primeira xornada e aprazar o seu encontro da segunda xornada. 

LIGA DE DIVISIÓN DE HONRA INFANTIL

Quinta xornada de liga para un Garysa Xiria que suma 3 vitorias e unha soa derrota, ante o líder Cangas. O equipo carballés recibe, sábado ás 12.00 h, no Mpal. Vila de Noia ao S.A.R. “A” de Redondela. Os carballeses tentarán sumar unha nova vitoria que lle permita continuar nos postos altos da clasificación.

19/10/2011

CONVOCATORIA PRESELECCIÓN GALEGA INFANTIL

Convocados 4 rapaces do Garaysa Xiria para unha sesión de adestramento o domingo 23 no Pavillón Municipal de Chapela. Os convocados son: Iván Calvo, Juan Carlos Rodríguez, Carlos Vilanova e José Pereira.

CRÓNICAS CATEGORÍA DE BASE

14/10/2011

PREVIA DA XORNADA

LIGA DE 1ª DIVISIÓN ESTATAL

Cuarta xornada de liga na 1ª División Estatal. O Calvo Xiria desprázase a Vigo para medirse, sábado ás 19.00 h, no Pavillón de Lavadores, ao Las Cinco Jotas Lavadores. O encontro será dirixido polos colexiados Francisco J. Parra López e José V. Parra Sánchez de la Blanca pertencentes á Federación Territorial de Castilla La Mancha.

Partido entre o segundo, Xiria, e terceiro, Lavadores, clasificados da campaña pasada.

O equipo vigués que prepara o ex-seleccionador galego xuvenil Juan Costas está a ter un mal inicio de campionato e leva colleitadas tres derrotas noutras tantas xornadas. A marcha de dous dos seus homes importantes, Chapela e Moreira para o Teucro, así como as baixas nestas primeiras xornadas dos irmáns Álex e Serguei Tsyvanev están a pasar factura ao conxunto olívico que pecha a clasificación xunto co Cangas. Un equipo que foi a revelación a tempada pasada e colleulle a medida ao Calvo Xiria ao que conseguiu derrotar nos dous encontros, 34-30 en Vigo e 30-33 na Zona Escolar.

O Xiria, despois da vitoria ante o potente Seis do Nadal, viaxa co obxectivo de conseguir dous puntos que lle permitan manterse nas primeiras posicións da táboa. Pero non será doado, posto que á resistencia que ofrecerá o equipo vigués, hai que engadir as baixas coas que contará Marcos Rodríguez. Acumulánselle os problemas ao técnico carballés posto que ás ausencias xa coñecidas de Chimpo e Javi Zas, engádese á de David García, convocado coa selección española xuvenil, polo que só poderá contar con catro xogadores da primeira liña (Pablo, Manu, Ángel e Brais) para este encontro.

LIGAS DE DIVISIÓN DE HONRA XUVENIL E CADETE

O Ifecgás Pereira Xiria e Decoraciones J. Bello Xiria aprazaron os encontros que os enfrontaba co Academia Octavio por mor da convocatoria de David García coa selección nacional xuvenil para unha concentración e un torneo en Dinamarca.

LIGA DE DIVISIÓN DE HONRA INFANTIL

Cuarta xornada de liga para o Garysa Xiria que, ven de colleitar a súa primeira derrota ante o Balonmán Cangas, líder da competición. Os rapaces de Pablo Filgueira viaxan ata O Porriño para enfrontarse ao Balonmano Porriño. O partido dispútase o sábado ás

12.45 h no municipal porriñés.

13/10/2011

CONVOCATORIA PRESELECCIÓN GALEGA INFANTIL

Convocados 4 rapaces do Garaysa Xiria para unha sesión de adestramento o domingo 16 no Pavillón Municipal de Chapela. Os convocados son: Iván Calvo, Juan Carlos Rodríguez, Carlos Vilanova e José Pereira.

CRÓNICAS DE BASE

09/10/2011

CONVOCATORIAS PRESELECCIÓNS GALEGAS

Convocados 5 rapaces das Escolas de Balonmán Xiria para sesións de adestramento o domingo 9 coas distintas seleccións galegas:

- Xuvenil: David García e Miguel Suárez-Pumariega

- Infantil: Iván Calvo, Juan Carlos Rodríguez, Gabriel Castiñeiras e José Pereira.

06/10/2011

PREVIA DA XORNADA

1ª DIVISIÓN ESTATAL

Terceira xornada de liga na 1ª División Estatal. O Calvo Xiria recibe, sábado ás 18.30 h, no Pavillón Municipal Vila de Noia (Zona Escolar), a visita do Magope Seis do Nadal – Coia. O encontro será dirixido polos colexiados Fernando Iñán Arias e José Manuel García Olavarrieta pertencentes á Federación Territorial de Cantabria.

Partido no que se enfrontan dous dos, a priori, equipos chamados a loitar polos postos altos da clasificación.

O equipo vigués que prepara José Ramón Muñoz “Jota” parte como un dos favoritos esta campaña. Os olívicos que contan cunha ampla plantilla con xogadores como o veterano primeira liña Escudero, o meta Soliño, o central Antón Rey, ou os extremos Denís e Antón. Ademáis refozáronse para esta tempada con varios rapaces que suben do equipo xuvenil, campión galego e 3º de España (tras Elxe e Barça) no pasado curso, e con importantes e coñecidas caras como o lateral ex-Xiria Pablo Casal (procedente do Chapela), o meta Bolly (ex do Zamora), o extremo Chamorro (da canteira do Ademar) e os pivotes Couso (Bueu) e Benaches (ex-Asobal, procedente do Teucro). Os de Coia contan na clasificación, ao igual que os carballeses, con dous puntos logo de caer derrotados pola mínima na pista do Ademar e imporse no seu feudo á Avilesina.   

O Calvo Xiria, logo da derrota pola mínima na cancha do Zamora, debe mellorar as súas prestacións defensivas e volver ao seu característico xogo de conxunto, con gran mobilidade e velocidade no ataque, se quere sacar un resultado positivo fronte ao Sedona. Marcos Rodríguez non poderá contar co concurso de Chimpo, que se perderá toda a primeira volta da competición por unha lesión nun nocello, nin co de Javi Zas, que causa baixa de xeito indefinido por motivos laborais. Tamén está no aire a participación de Cuco quen, cunha escordadura nun nocello xa non puido ser da partida en Zamora, e non se coñecerá ata última hora se pode participar no encontro, ao igual que o xuvenil Miguel, con un golpe nun nocello. Quen si estará será Sergio, logo de non poder actuar a pasada xornada por motivos persoais.

De novo agardase unha gran afluencia de “Xiriareiros” que de novo terán un papel fundamental para levar en volandas aos seus cara unha nova vitoria no seu feudo e facer un fortín da Zona Escolar.

LIGA DE DIVISIÓN DE HONRA XUVENIL

Logo dunha irregular primeira fase da Copa, na que o Ifecgás Pereira Xiria tivo a dous complicados rivais no seu grupo e non conseguiu a clasificación para as semifinais, comeza o verdadeiramente importante, a competición de Liga. Nesta primeira xornada os rapaces de Fernando Vázquez teñen un complicado partido, un derbi provincial, fronte a outro dos equipos chamados a loitar pola zona de honra da clasificación, o O.A.R. Coruña. O partido dispútase o domingo, ás 12.15 h na pista coruñesa do San Francisco Xabier.

LIGA DE DIVISIÓN DE HONRA CADETE

Comeza a liga para o actual campión galego cadete, o Decoraciones J. Bello Xiria. O equipo carballés que prepará Fernando Vázquez desprázase á Coruña, domingo ás 10.45 h, para medirse, nun derbi provincial, ao O.A.R. no Pavillón de San Frnacisco Xabier.

LIGA DE DIVISIÓN DE HONRA INFANTIL

Segunda xornada de liga para o Garysa Xiria que, logo de derrotar ao Octavio na xornada inaugural, debe viaxar ata a localidade pontevedresa de Moaña para medirse ao Bm. Moaña. O partido dipútase o sábado ás 11 na pista moañesa do Rosal.

04/10/2011

JAVI ZAS, BAIXA NO CALVO XIRIA

Javi Zas causa baixa de forma indefinida no equipo. Motivos laborais levan ao xogador carballés a ter que ausentarse da comunidade galega por tempo indefinido.

O central carballés continuará adestrandose con algún equipo da zona á que foi destinado para reincorporarse ao equipo no momento da súa volta.