DIVISIÓN DE HONRA XUVENIL MASCULINA

COPA FEDERACIÓN

 

XORNADA 3

02/05/2010     IFECGÁS PEREIRA XIRIA 16 - CAIXANOVA OCTAVIO 44

Ifecgás Pereira Xiria: 16(10+6): Bisbi, Brais (2), Iago (2), Antón (3), Martín, Alvarito, Adrián (1) -equipo inicial- Miguel (2),Dani (2), David García (2), Mourín, JorgeViñas (2), Iván.

Caixanova Octavio: 44 (24+20): Eduardo, Germán (8), Rubén (7), Andrés (4), Adrián (5), Mouriño (2), Miguel (3) -equipo inicial- Diego (1), Joaquín (1), Dani (3), Bruno, David (6), Cacheda (4).

Colexiado: Daniel F. del Valle.

O Ifecgás Pereira Xiria rematou a tempada oficial cunha sonroxante derrota ante o campión de liga. Así, os carballeses quedan eliminados da Copa Federación de División de Honra Xuvenil.

A indolencia, a desgana,a apatía e a falta de compromiso, que viñeron sendo habituais ao longo de toda a tempada, puxéronse de manifesto, unha vez máis, para asinar un fin de campaña nefasto en todos os sentidos. O partido non presentou problema ningún para os visitantes, que pasaron como unha apisoadora polo pavillón carballés dende o inicio do choque. Os do Xiria sairon derrotados de antemán e sin ningunha actitude. A defensa non tiña intensidade, non existían os contactos e os lanzamentos dos vigueses que nos remataban na rede era grazas á boa actuación do porteiro Bisbi. O contragolpe non existía, xa que os xogadores se amosaban moi estáticos no xogo. A mala selección de lanzamento e as perdas de balón regalábanlle aos do Octavio sinxelos contaataques de dous e tres xogadores sós contra o porteiro, xa que os de Carballo eran indolentes no balance defensivo.  Nas bancadas o silencio era o que predominaba no descanso xa que a diferenza era xa demasiado avultada, 10-24.

A segunda metade foi aínda máis sangrante para un Ifecgás Pereira que só puido perforara a portería visitante en seis ocasións, recibindo un parcial na reanudación de 6-20.

En resume, tempada para olvidar, tanto a nivel individual como colectivo, xa non tanto polos resultados se non por como se produciron. Traballo longo e duro cara o ano que ven para non hipotecar o magnífico traballo dos cadetes que pasan a categoría xuvenil e que si amosan ganas e unha excelente actitude para o traballo.

XORNADA 2

17/04/2010      ATL. NOVÁS MECALIA 39- IFECGÁS PEREIRA XIRIA 26

Atl. Novás Mecalia: 39 (19+20): Sergio, Marcos (2), Mario (4), Miguel (7), Carlos (7), Gabriel (4), Dorado (9) -equipo inicial- Fabián, Juan, Sousa, Estévez (3), Iván (3), Dani, Fernández.

Ifecgás Pereira Xiria: 26 (12+14): Bisbi, Brais (4), Adrián (1), Iago (6), Antón (3), Dani (9), Martín (2) –equipo inicial- Cristian, Naya.

Colexiados:Andrés Rosendo e Pedro Eiras.

Disputaba, no municipal do Rosal, o Ifecgás Pereira Xiria o encontro da 2ª xornada da Copa Federacion da categoría de División de Honra Xuvanil. Mal partido do Ifecgás Pereira Xiria que volveu mostrar unha faciana indolente e pouco competitiva, moi lonxe do que se espera de este equipo. Tamén é certo que os de Carballo viaxaban con moitas baixas debido ás excursións de fin de curso, de aí que o equipo carballés tan só contara con nove efectivos para este choque.

O partido comezou cun equipo local arrollador e entregado pola causa, mentres que o conxunto visitante non entraba no encontro e limitábase a observar como os do Rosal batían unha e outra vez a meta carballesa. O Ifecgás Pereira non se amosaba competitivo, moi falto de ritmo en ataque e con xogadores moi estáticos e sin mobilidade nin contactos na defensa. Esto provocaba que os do Rosal  xogasen a pracer. De este modo a diferencia no marcador ao descanso, 19-12, era moi dolorosa e poñía as cousas moi complicadas cara a reanudación.

Parecía, que no inicio da segunda metade, os bergantiñáns entraban no encontro de xeito máis combativo e centrado no xogo e, aínda que non facían un bo balonmán, eran capaces de recurtar as distancias. Pero cando as esperanzas voltaban ao lado carballés, o Novás apretaba de novo o acelerador e aumentaba as diferenzas fronte a un equipo visitante que baixaba os brazos e mostraba de novo a cara máis indolente e pouco competitiva no día de hoxe para rematar caendo de forma avultada e dolorosa,  39-26, xa non pola distancia no electrónico se non pola forma en que se producíu.

O próximo encontro dos de carballo será dentro de dúas fins de semana. O rival dos Ifecgás Pereira Xiria será o Caixanova Octavio, o campión da liga.

XORNADA 1

10/04/2010     BM CISNE 33 - IFECGÁS PEREIRA XIRIA 29

Bm Cisne: 33 (17+16): Adrián, Chan (3), Miguel (3), Andrés (4), Estanislao (7), Enrique (6), Pablo (6) -equipo inicial- Eloy (1), Carlos (1), Antonio, André, Javi (2).

Ifecgás Pereira Xiria: 29 (17+12): Naya, Iago (8), Antón (3), Brais (3), Alvarito, Jorge Viñas (2), Miguel (6) -equipo inicial- Bisbi, Martín (1), David García (6), Cristian.

Colexiados: Marcos Pérez e Antonio Moledo.

Viaxaba o Ifecgás Pereira Xiria a Pontevedra para disputar fronte ao Bm Cisne o primeiro partido da Copa Federación. O equipo bergantiñán, que actuou xa cos rapaces que van a formar o plantel na próxima tempada, plantou cara a todo un Bm Cisne, subcampión de liga.

A primeira metade foi moi igualada, con alternativas por parte dos dous equipos no marcador. O Ifecgás Pereira estivo esplendido por momentos en tarefas defensivas e cos contaataques en segunda oleada conseguían facerlle dano aos locais. Istes, mostraban a sua calidade e talento, tanto a nivel colectivo como individual e mantiñanse no encontro a pesar de non facer o seu mellor partido. No intermedio o marcador sinalaba unha igualada a 17 tantos.

No reinicio o Ifecgás Pereira Xiria continuou loitando, pero a maior calidade dos de Pontevedra abría unha brecha nos primeiros cinco minutos con un 5-1 de parcial ao seu favor. Parecía que o Cisne ía poñer terra de por medio, pero a realidade foi que os visitantes se sobrepuxeron e voltaron a plantexar un partido incomodo para os do Cisne, aínda que non foi suficiente para remontar e gañar o encontro.

En definitiva, boas sensacións dos rapaces do Xiria que xa están a traballar con ilusión con miras á liga do ano que ven.

O seguinte encontro para o Ifecgás Pereira será, de novo a domicilio, fronte ao Atl. Novás Mecalia do Rosal.

 

 

DIVISIÓN DE HONRA XUVENIL MASCULINA

LIGA

 

XORNADA 22

28/03/2010     BALONMÁN LALÍN 20 - IFECGÁS PEREIRA XIRIA 23

Balonmán Lalín 20 (11+9): Manuel, Martín (7), Iago, B. García (2), José (1), Rodrigo (5), B. Díaz -equipo inicial- Uxío (2), Rubén, Adrián, Óscar (2), Ramón, Antonio (1), Iván.

Ifecgás Pereira Xiria 23 (11+12): Bisbi, Brais (6), Iago (5), Antón (1), Jorge Viñas (2), Dani (5), Alvarito -equipo inicial- David (2), Martín, Cristian, Jomesito, Jorge  Docampo, Miguel (2).

Colexiado:Lucas Crespo e Pablo Álvarez. Non influíuron no resultado final nun encontro sinxelo.

Derradeira xornada de liga na División de Honra Xuvenil. Os carballesés do Ifecgás Pereira Xiria visitaban a cancha de Lalín co obxectivo de levarse os dous puntos para así poder rematar o campionato na septima posición da taboa clasificatoria, arrebatándolle esa praza ao cador dezano. O partido, que se disputou nunha xélida mañá, deparou a mesma friaxe nos xogadores e no ritmo do encontro. Foron os visitantes os que levaron a dianteira no marcador ao principio do partido, onde os erros por parte de un e outro equipo eran a tónica xeral. Os carballeses pegaban primeiro e poñíanse cun 1-5 no electrónico, pero máis tarde eran os locais os que respostaban e deixaban o marcador no 11-11 do descanso.

A segunda metade foi do Ifecgás Pereira que, sen chegar a desenvolver un bo xogo, mantiña vantaxes curtas durante todo o este periodo e, sobre todo, dominaba o tempo do partido. Ao remate, un 20-23 permite aos de Carballo acadar, con 18 puntos, o séptimo posto na clasificación final, en detrimento do cadro lalínés cos mesmos puntos que o Xiria.

Rematou a liga pero non a competición posto que, tras o descanso que haberá a vindeira fin de semana , o día 10 de abril comezará a Copa Federación na que competirán os mesmos equipos que participaron na liga repartidos, nunha primeira fase en 3 grupos de 4 equipos. O Ifecgás Pereira Xiria quedou encadrado no complicado Grupo III xunto co Octavio, campión de liga, Novás, 6º na liga, e Cisne, subcampión. Precisamente este último será o primeiro rival dos carballeses nun partido que se disputará en Pontevedra.

XORNADA 21

21/03/2010      IFECGÁS PEREIRA XIRIA 27 - CALFONCAL LAVADORES 33

Ifecgás Pereira Xiria 27 (12+15): Bisbi, Iago (9), Brais (4), Antón (2), Dani, Zas (8), Alvarito -equipo inicial- Naya, Adrián, Miguel (3), Jorge Docampo, Jorge Viñas, Mourín (1).

Calfoncal Lavadores 33 (16+17): David, Manuel, Rafa (3), Joaquín (10), Darío, Aarón (7), Brais (3) -equipo inicial- Nico, Tomás (5), Carlos, Camba, Iván (1), Alfredo (1), Óscar (3).

Colexiados: Pablo González e Ricardo Domínguez.

Penúltima xornada de liga na División de Honra Xuvenil na que o Ifecgás Pereira Xiria recibía a visita do equipo vigués do Lavadores.

O encontro foi sempre de cara para os visitantes, que, aínda que non gozaron de vantaxes moi amplas, estas si foron sempre moi comodas. O Ifecgás Pereira iniciou o encontro despistado e frío fronte a un equipo que se mostrou moi superior no seu carácter competitivo. Os de Carballo xogaban moi estáticos e o balón circulaba moi lentamente. Tan só a calidade individual de algúns xogadores permitía batir a portería rival. O Lavadores xogou moi ben as súas cartas, mostrábanse atentos, concentrados e contundentes na defensa, aproveitando os contragolpes para marcar diferencias no electrónico. No descanso a diferenza, 12-16, deixaba no aire a ilusión dunha posible reacción por parte dos carballeses.

A segunda metade foi semellante á primeira, os de Xiria incrementaban un pouco o seu ritmo, pero en ningún momento parecía que puideran asustar aos de Vigo, moi seguros nas suas accións. Ao remate da contenda, o 27-33 que fai que os de Carballo perdan a sétima praza en beneficio do Bm. Lalín e pasen a ser oitavos.

Precisamente o derradeiro encontro do Ifecgás Pereira Xiria será na pista do cadro lalinés o vindeiro domingo, encontro no que es terá en xogo a sétima posición final na táboa.

XORNADA 18

19/03/2010     CAIXANOVA OCTAVIO 53 - IFECGÁS PEREIRA XIRIA 24

Caixanova Octavio 53 (29+24): Eduardo, Crespo (8), Rubén (5), Andrés (10), Adrián (5), Porto (2), Miguel (10) -equipo inicial- Diego, Mouriño (4), Joaquín (1), Dani (3), Bruno, David (5).

Ifecgás Pereira Xiria 24 (11+13): Naya, Brais (8), Iago (8), Antón (4), Dani, Alvarito (4), Adrián -equipo inicial- Miguel, Bisbi, Jorge Docampo, David García, Mourín, Jorge Viñas.

Colexiados: Carla Diz e Ana Correa.

Disputábase a xornada aprazada no seu día polo temporal que afectou a Galicia. O Ifecgás Pereira Xiria visitaba a cancha de Balaidos para enfrontarse, xa coa permanencia no peto, ao potente Caixanova Octavio de Vigo, equipo que en caso de vitoria acadaría matemáticamente o campionato galego.

Fernando Vázquez, técnico carballés, utilizou o partido para que tiveran minutos todos os xogadores, sobre todo aqueles que empezaron a practicar o balonmán esta tempada ou a anterior e que polo tanto tiveran moi poucas oportunidades ao longo da liga regular. Isto propiciou que o Octavio fose moito máis superior que o que se podía prever sobre o papel e de aí a gran diferenza no electrónico xa no descanso, 29-11.

Os visitantes sabían que o traballo de hoxe era outro, coller minutos, sensacións e experiencias para aqueles xogadores máis noveis e así poder rendir de forma óptima neste equipo en momentos futuros. Álex Zas non viaxou co equipo, xa que estaba convocado para xogar co equipo sénuior en Carballo, e os cadetes que acababan de disputar momentos antes un partido moi duro no contaron con ningún minuto, salvo o porteiro Bisbi, motivado pola lesión de Naya, e Jorge Viñas.

O partido non tivo máis historia, foi frio para o público pola superioridade dos locais no día de hoxe e o marcador,que xa era o de menos reflectía ao final un 53-24 a prol do equipo vigués.

XORNADA 20

13/03/2010   S.A.R PEGUFORM 23 -  IFECGÁS PEREIRA XIRIA 30 

S.A.R Peguform: 23 (14+9): Diego, Domínguez (6), Roberto (1), Samuel (6), Bruno (2), Mauro (3), Orge (3) -equipo inicial- Santi, Pereira, Ricardo (2), Adrián, Anxo.

Ifecgás Pereira Xiria: 30 (17+13): Naya, Antón (3), Brais (10), Iago (8), Dani (5), Viñas (3), Alvarito (1) -equipo inicial- Adrián, Jorge Docampo, Martín, Bisbi, Cristian.

Colexiado:Jordi Pérez e Victor Rivera.

O Ifecgas Pereira Xiria acadou, logo de derrotar á SAR de Redondela, a permanencia de forma matemática na División de Honra Xuvenil masculina e mantén a sétima praza na clasificación.

Os visitantes foron os que levaron a dianteira no marcador dende o principio do partido, a pesar de non poder contar con algúns dos seus xogadores habituais, Álex Zas convocado co equipo sénior e os Miguel e David, que non viaxaron co equipo xuvenil ante a importancia do partido cadete contra o OAR. O equipo redondelán estase a xogar a permanencia na categoría e presentou certa batalla, sobre todo na primeira metade e ata que o cansancio fixo mella nos seus xogadores. Combativos e loitadores mantiveron unha certa esperanza cara ao segundo tempo, dada a escasa diferenza no electronico chegado o descanso, 14-17.

Na segunda metade, os locais baixaron a súa intensidade, sobre todo propiciado pola fatiga. Isto propiciou que os do Xiria aumentaran comodamente as diferenzas, sobre todo no tramo final do encontro. O partido foi feo, falto de ritmo e con unhas defensas endebles e inocentes, pero os carballeses conseguen por fin a tranquilidade da salvación, o que lles debe dar, a partir de agora, ánimos de cara a traballar máis e mellor para poder entusiasmar o ano que ben con aquel balonmano que xa fixera emocionar ao público de Carballo a tempada 08-09.

O próximo partido para o Ifecgás Pereira será o vindeiro venres 19 en terras viguesas fronte ao líder, o Caixanova Octavio, nun partido aprazado no seu día polo forte temporal que afectou a Galicia. A xornada, polo tanto, será dobre xa que o domingo 21 o Ifecgás Pereira Xiria voltará a xogar, desta vez na Zona Escolar de Carballo ante o Lavadores.

XORNADA 19

07/03/2010     IFECGÁS PEREIRA XIRIA 28 - SD TEUCRO SUP. MOLDES 30

Ifecgás Pereira Xiria 28 (12+16): Naya, Iago (8), Martín, Brais (5), Zas (7), Barreiro (3), Antón (4) -equipo inicial- Bisbi, David Álvarez, Jorge Docampo (1), Adrián, Cristian.

SD Teucro Supermercados Moldes 30 (13+17): Iago, Pedro (4), Álex (4), Manuel (2), Iago (1), Santos (6), Alberto (6) -equipo inicial- Axel (3), Isaac, Carlos (4), David, Yoel, Alvaro.

Colexiados: Pablo Álvarez e Manuel Docampo.

O Ifecgás Pereira Xiria deixou pasar unha oportunidade única de batir a un Teucro, que acudía mermado de efectivos, nun partido frouxo e con pouca intensidade por parte dos locais. Os de Carballo iniciaron o encontro faltos de ritmo tanto en defensa como no ataque posicional, onde o 6:0 pontevedrés facia moito dano aos xogadores carballeses, que se amosaban demasiado estáticos. O partido era aburrido, ningún dos dous equipos exhibía un balonmán vistoso e rápido e a igualdade era a tónica xeral, de aí o 12-13 do descanso que deixaba o partido aberto.

No reinicio o Ifecgás Pereira Xiria seguíu coa mesma tónica, despistes defensivos, perdas de balón en ataque, erros non forzados e imprecisións de todo tipo, aspectos que facilitaban moito as cousas aos visitantes que mantiñán, aínda que con curtas vantaxes, a dianteira no marcador. O partido, que remataba cun 28-30 a prol do Teucro, deixaba moitas dúbidas en canto ao xogo do Ifecgás Pereira, sobre todo no que se refire á capacidade de concentración e á competitividade dos carballeses. A mellor noticia desta semana, a vitoria da SAR en Ourense, que deixa ao equipo bergantiñán un ano máis na máxima categoría xuvenil de forma matemática a falta de 4 xornadas para o remate da liga.

O próximo compromiso do Ifecgás Pereira Xiria será en Redondela fronte á SAR. O obxectivo dos de Carballo a partir de agora, conseguir os máximos puntos posibles, amosar un mellor xogo e actitude e non perder a sétima posición na que actualmente se encontran.

XORNADA 17

21/02/2010      IFECGÁS PEREIRA XIRIA 30 - BM. CISNE 47

Ifecgás Pereira Xiria 30 (18+12): Bisbi, Dani (5), Zas (1), Martín (2), David Álvarez (1), Miguel (2), Antón (7) -equipo inicial- Iago (9), Naya, Iván, Brais, Adrián (3), Cristian, Jorge Docampo.

Bm Cisne 47 (22+25): Adrián, Chan (11), Miguel (6), Andrés (1), Estanislao (9), Enrique (7), Pablo (6) -equipo inicial- André, Javier (4), Eloy, Carlos (1), Antonio (2).

Colexiados: Andrés Bacelar e Abel Juncal.

O Ifecgás Pereira Xiria recibía, na 17ª xornada de liga na División de Honra Cadete, a visita do Bm Cisne de Pontevedra, segundo clasificado e un dos favoritos ao título e á clasifiación para o campionato estatal.

O equipo carballés, virtualmente xa salvado do descenso posto que está 6 puntos da zona de perigo a falta de 6 xornadas, pretendía facer un bo partido e mostrar a súa mellor faciana contra un dos rivais máis forte da categoría, ademáis de dar minutos aos xogadores menos habituais. No inicio do encontro, os de Carballo amosaronse como un equipo falto de intensidade, con algúns de estes xogadores que contan con menos minutos sobre a pista. Os de Pontevedra, polo contrario, saían á pista coma un ciclón e xa nos primeiros minutos conseguían vantaxes importantes, 1-5, 2-8. A partir do minuto quince e despois dun tempo morto solicitado polo adestrador local, o Ifecgás Pereira espertaba e poñía na cancha un aceptable tono defensivo que provocaba os erros do rival. No ataque posicional, o xogo en 2:4 facía moito dano ao Cisne e permitía os lanzamentos exteriores dos do Xiria que se acercaban de forma ilusionante no marcador. Ao remate do primeiro acto o electrónico sinalaba un 18-22 a prol dos  visitantes.

No reinicio, o Ifecgás Pereira Xiria loitou, pero con máis corazón que cabeza e apareceron as precipitacións nos lanzamentos e nos pases, erros que propiciaban a saída ao contragolpe dos pontevedreses e facilitaban a consecución de goles por parte destes. O bo facer en quince minutos da primeira parte quedaba dilapidado nos mesmos minutos da reanudación. Nos derradeiros minutos do encontro só existíu o Cisne na pista xa que os bergantiñáns baixaban os brazos definitivamente esgotados polo esforzo físico anterior, factor que aproveitaban os visitantes para aumentar a diferenza no electrónico e deixar un resultado moi avultado de 30-47. 

O próximo encontro a disputar polo Ifecgás Pereira Xiria será a domicilio fronte ao líder, o Caixanova Octavio vigués.

XORNADA 16

14/02/2010     PROMALAR CANGAS 23 - IFECGÁS PEREIRA XIRIA 31  

Promalar Cangas 23 (13+10): Anxo, Diego (4), Óscar (3), Alexandre (2), André (1), Cid (10), Rubén (3) -equipo inicial- Acuña (1), Abel (1), Carro, Urrutia.

Ifecgás Pereira Xiria 31 (19+12): Bisbi, Brais (3), Zas (4), Miguel (3), Iago (6), David García (8), Dani (2) -equipo inicial- Jorge Viñas, Martín (1), Cristian (1), Antón, David Álvarez (1), Adrián, Jorge Docampo(1).

Colexiados: Abel Juncal e Andrés.

Importantísimo partido o que disputaba o Ifecgás Pereira Xiria na pista canguesa do Gatañal, posto que no caso de conseguir os dous puntos os de Carballo abrirían unha brecha de oito puntos coa zona de descenso.

O equipo local chegaba nunha perígosa 10ª posición igualado a puntos co Bm Pabellón que ocupa a segunda praza de descenso. O Xiria contaba con 6 puntos máis ocupando a sétima posición, de aí a importancia do choque.

Pero o día xa empezaba mal para os de Carballo xa que cando a expedición chegaba a Cangas, o xogador Antón dábase conta de que se olvidara a bolsa co material de xogo na localidade bergantiñá, coa sua equipación, zapatillas,… e que polo tanto non podería participar no encontro.

Foron os locais os que levaron a dianteira no marcador no inicio do partido cunha intensidade moi alta que facía perigrar os intereses dos carballeses. Este arreón inicial apenas durou quince minutos, despois, os do Ifecgás Pereira amosáronse moi superiores en todas as fases do xogo e así puideron retirarse ao vestiario ao remate da primeira metade con unha ampla vantaxe, 13-19.

Na segunda parte, os locais baixaron a súa intensidade e no equipo visitante, Fernando Vázquez púidolle dar minutos a todos os integrantes do equipo. O 31-23 final permite aos de Carballo respirara con tranquilidade, a falta de seis xornadas para o remate da liga, e mirar a partir de agora por consegui unha mellor clasificación.

O vindeiro compromiso dos de Carballo terá lugar o vindeiro domingo ás 12.00 h no Pavillón da Zona Escolar de Carballo, onde o Ifecgás Pereira Xiria se medirá ao Cisne, segundo clasificado.

XORNADA 15

06/02/2010     DCR SEIS DO NADAL COIA 35 - IFECGÁS PEREIRA XIRIA 19

DCR Seis do Nadal Coia 35 (18+17): Ángel, Abraham, David, Alberto, Adrián, Gabriel, Víctor -equipo inicial- Diego, Guillermo, Ramón, Manuel, Óscar, Aarón, Rodrigo. Non podemos ofrecer os goles locais xa que os árbitros non os reflectiron na acta do encontro.

Ifecgás Pereira Xiria 19 (11+8): Naya, Brais (2), Iago (6), Jorge Viñas, Antón (4), Dani (2), Miguel (5) -equipo inicial- Bisbi, Jorge Docampo, Martín, David Álvarez, Adrián, David García.

Colexiados: Non soemos entrar a valorar a actuación arbitral, pero neste caso debemos facer unha excepción para resaltar a excelente labor arbitral dos internacionais cataláns Carlos Luque e Ignacio Pascual.

O Ifecgás Pereira Xiria visitaba, na 15ª xornada de liga na División de Honra Cadete, a pista de un dos equipos máis potentes da competición, o DCR Seis do Nadal Coia.

O equipo carballés comezou o encontro cunha boa intensidade, parecía un equipo totalmente diferente ao que se enfrontara o pavillón de Ourense hai só sete días. A forte defensa e a actitude que se vían non tiñan nada que ver coas de aquel partido, e iso era bo para os visitantes. De todos modos, todos sabían que o partido ía ser moi longo e que había que manter a concentración de xeito permanente, dado o nivel do rival. Así foi, e coas paradas do porteiro e a calidade dos xogadores de Vigo, estes mantiveron cómodas vantaxes ao longo de toda a primeira metade. No descanso o marcador xa reflectía un 18-11 para os de Coia.

A reanudación foi máis clara para os vigueses e mentres ían transcurrindo os minutos notábase o cansancio e a falta de efectivos no Ifecgás Pereira, xa que Álex Zas estaba co equipo senior en Tenerife e David García non xogaba pola suas molestias no abductor. O marcador parecía que definitivamente ía favorecer aos do Sedona, xa que gañaban por dez goles de diferenza e a distancia aumentaba cada vez máis. A pesar do avultado do resultado final, 35-19, a imaxe dada polos bergantiñáns foi moito mellor que a da semana pasada, aínda que naquel encontro se conseguira a vitoria.

Tras os resultados desta xornada aprétase a clasificación na zona media e baixa da táboa debido ao trunfo do Bm Pabellón Ourense sobre o Promalar Cangas. Estes últimos serán, precisamente, os próximos rivais do Ifecgás Pereira Xiria nun encontro que se disputará no pavillón cangués do Gatañal o vindeiro domingo 14, ás 12.00 h, nun importante encontro para ambos equipos.

XORNADA 14

31/01/2010     IFECGÁS PEREIRA XIRIA 28 – BM. PABELLÓN OURENSE 24

Ifecgás Pereira Xiria 28 (12+16): Naya, Iago (3), Brais (4), Antón (2), Miguel (6), Zas (7), Dani (3) -equipo inicial- Bisbi, David Álvarez, Adrián, Cristian, Martín, Jorge Viñas (3), Iván.

Bm Pabellón Ourense 24 (9+15): Fernando, Rivas (6), Ángel (4), Nieto (2), Pablo (5), Victor (4), Manu (2) -equipo inicial- Tomás (1), Óscar, Martínez, Adrián, Mateos.

Colexiados: Pablo Portela e Gonzalo Piñeiro.

Partido clave o que disputaban Ifecgás Pereira Xiria e Bm Pabellón na 14ª xornada de liga na División de Honra Xuvenil. Os ourensán chegaban a Carballo en postos de descenso mentres que os carballeses necesitaban unha vitoria se non querían verse implicados na loita por salvar a categoría. Ademais o Pabellón xa lle gañara ao Xiria no encontro da primeira volta.

O equipo carballés entrou indolente e sen actitude no envite, algo incomprensible co que estaba en xogo, pero o desastroso partido dos bergantiñáns fronte un rival moi limitado foi un feito. O encontro foi sempre de cara para os locais, pero con vantaxes curtas que en calquera momento podían poñer en serios apretos os intereses dos rapaces de Fernando Vázquez. As sensacións que daban non eran convincentes e o balonmán que amosaban era pésimo. Os de Ourense,a pesar da súa inferior calidade, grazas sobre todo a súa maior entrega, actitude e á labor do seu porteiro, mantiñanse no encontro, simplemente esperando o erro dos locais. Os xogadores do Ifecgas Pereira xogaban andando e o balón circulaba moi lentamente, moi lonxe do excelente balomán que lles levara a acadar o ano pasado, a moitos dos integrantes deste equipo, o cuarto posto na Liga de Honra na categoría cadete. O Bm Pabellón xogou moi ben as súas cartas, mostrábanse atentos, concentrados e contundentes na defensa 6:0, axudados polo seu porteiro e no ataque posicional só se limitaban a aproveitar as facilidades e a indolencia defensiva dos carballeses. No descanso o marcador era favorable aos locais por 12-9. 

A segunda metade foi máis do mesmo, os de Ourense mantíñanse cerca no electrónico tras a  reanudación e, polo tanto, as distancias movíanse neses gorismos de tres ou catro goles a prol dos de Carballo. Nin a defensa 6:0 nin a defensa mixta ao central visitante deron os seus froitos e o que xa empezara mal remataba coas mesmas malas sensacións, 28-24, ante un equipo inferior en calidade, factor que non se notou. O mellor, os dous puntos que manteñen aos do Ifecgás Pereira Xiria na metade da táboa e ampliando a distancia cos postos descenso. No lado negativo, as sensacións na pista e que non se foi quen, nin tan sequera, de gañarlle a golaveraxe particular ao equipo ourensán.

O vindeira fin de semana o Ifecgás Pereira Xiria visita a pista dun dos equipos fortes da competición, o Seis do Nadal. O partido disputarase o sábado ás 11.30 h no Pavillón de Coia, Vigo.

XORNADA 13

23/01/2010      ATL. NOVÁS MECALIA 33 - IFECGÁS PEREIRA XIRIA 21

Atl. Novás Mecalia 33 (18+15): Sergio, Jorge (2), Marcos (3), Mario (4), Miguel (7), Carlos (10), Gabriel (2) -equipo inicial- Diego, Fabián (2), Juan, Dorado, Sousa, Estevez (3), Iván.

Ifecgás Pereira Xiria 21 (11+10): Naya, Brais (5), Jorge Viñas (2), Iago (2), Antón (6), Dani (3), Miguel (3) –equipo inicial- David Álvarez, Martín, Adrián, Iván Lorenzo, David García, Bisbi.

Colexiados: Sergio Rodríguez e David Pérez.

Mal partido do Ifecgás Pereira Xiria que voltou a mostrar unha faciana indolente e pouco competitiva, moi lonxe dos últimos encontros xogados polos carballeses na sáa casa.

O partido comezou con un equipo local entregado pola causa e arrollador e un conxunto visitante que non entraba no encontro e que se limitaba a observar como os do Rosal batían unha e outra vez a portería carballesa. O Ifecgás Pereira non se amosaba competitivo, estaba falto de ritmo en ataque, con xogadores moi estáticos e sen mobilidade nin contactos en defensa, polo que os locais xogaban a pracer. Deste modo a diferenza no marcador ao descanso, 18-11, era moi dolorosa e poñía as cousas moi complicadas cara a reanudación.

Parecía, que no inicio da segunda metade, os de Carballo entraban no encontro máis combativos e centrados no xogo, aínda que non facían un bo balonmán eran capaces de recortar as distancias e colocarse a catro goles no marcador. Cando as esperanzas voltaban ao lado carballés, o Novás apretaba de novo o acelerador e aumentaba a distancia fronte a un equipo que baixaba os brazos e amosaba de novo a súa cara máis indolente e pouco competitiva,  para caer de xeito abultado por 33-21. Dolorosa derrota, xa non pola distancia no electrónico, senón pola forma en que se producíu.

É unha derrota da que hai que recuperarse xa mesmo posto que a vindeira fin de semana o Ifecgás Pereira Xiria disputa un partido crucial fronte ao Balonmán Pabellón Ourense. O equipo ourensán marca en estes intres o límite do descenso a 6 puntos dos equipo carballés, a quen xa foi capaz de vencer no encontro da primeira volta. Unha nova derrota podería poñer de novo en serios apretos aos do Xiria cara os postos perigosos da clasificación. Este partido dupatarase o domingo, ás 10.30 h no Pavillón Bergantiños de Carballo.

XORNADA 12

16/01/2010    IFECGÁS PEREIRA XIRIA 31 – RASOEIRO BM 26

Ifecgás Pereira Xiria 31 (13+18): Naya, Zas (8), Iago (3), Miguel (5), Brais (4), Dani (6),Jorge Viñas –equipo inicial- Antón, DavidGarcía (4), Cristian, Martín, Adrián, Bisbi, David Álvarez (1).

Rasoeiro Bm 26 (13+13): Dani, Bruno (4), Ismael (4), Abraham (2), Robin (5), José A. (2), José Luis (6) -equipo inicial- Luis, Iñaki, Sergio, Alexandre, Adrián (3).

Colexiado: David Pérez e Alberto Fernández.

O Ifecgás Pereira Xiria iniciaba o seu camiño na segunda volta da liga na División de Honra Xuvenil e facíao, fronte ao Rasoeiro, nun partido partido clave para seguir escalando posicións e alonxarse dos postos de descenso un pouco máis. Non se prevía un partido sinxelo xa que na primeira volta os de Carballo só gañaron por un gol no Grove, nun partido moi igualado que se puido decantar para calquera bando.

O partido estivo á altura das expectativas e, aínda que ningún dos dous equipos andivo finos, si que mantiveron un nivel de competitividade aceptable que posibilitou un encontro atractivo para o espectador, por mor da súa igualdade. A primeira metade transcurreu con unha absoluta igualdade, os empates e as vantaxes por un gol eran a tónica xeral. Os locais non eran quen de parar as acometidas dos do Grove e as imprecisións e perdas de balón por parte dos dous equipos debuxaban un partido tosco e trabado, con moi pouco ritmo e con moi poucos goles. Ao intermedio chégabase co electrónico igualado, 13-13.

Na segunda parte o partido comezou de xeito semellante á primeira, só que agora eran os visitantes os que tomaban a dianteira e chegaban a irse con unha inquedante renda de catro goles no minuto 10. Isto obrigou a Fernando Vázquez a pedir un tempo morto para dar entrada ao internacional carballés Davis García e plantexae unha defensa mixta sobro o central do Rasoeiro, Ismael. Dende aquí ata o final os de Carballo fixéronse os amos do encontro, a defensa mixta daba os seus froitos de forma inmediata e en tan só cinco minutos o partido vovía a estar igualado. A partir de este momento o cadro local continuou alternando a defensa mixta con unha dobre mixta cando os foráneos estaban en inferioridade o que provocou que o marcador seguise aumentando a prol dos do Xiria. Dende o tempo morto o Ifecgás Pereira conseguía un parcial ao seu favor de 9 tantos chegándose ao remate do encontro cun 31-26.

Importaníisima vitoria que deixa aos de Carballo a seis puntos do descenso e situados nunha cómoda sétima posición na táboa clasificatoria, á espera de afrontar outros dous partidos decisivos, primeiro a vindeira fin de semana na difícil pista do Rosal e dentro de dáas semanas fronte ao Bm Pabellón, equipo que ocupa a penúltima praza.

XORNADA 5

22/12/2009     IFECGÁS PEREIRA XIRIA 35 – PROMALAR CANGAS 24

Ifecgás Pereira Xiria 35 (17+18): Naya, Brais (8), Zas (9),Miguel (6), Iago (6), Jorge Viñas (1), Dani (1) -equipo inicial- Bisbi, David García, Martín (1), Cristian, Antón (2), David Álvarez (1), Adrián.

Promalar Cangas 24 (10+14): David, Diego (4), Oscar (2), Alexandre (2), Andrés (5), Cid (4), Fabián (7) -equipo inicial- José, Rubén, Anxo, Darío, Abel, Acuña.

Colexiados: Inocencio Pérez e Antonio Moledo.

Partido pertencente á 5ª xornada de liga na División de Honra Xuvenil e que fora aprazado no seu día por mor da gripe “A”, xa que ista deixara fóra de combate a algúns efectivos do equipo de Cangas.

O partido disputouse no pavillón da Zona Escolar de Carballo, onde, a pesar de xogarse un martes ás sete da tarde, houbo unha boa afluéncia de público. O partido era moi importante para o Ifecgás Pereira Xiria posto que os carballesés xogaban a súa segunda final en tres días para tentar alonxarse dos postos de descenso. Os locais chegaban, logo da vitoria do domingo fronte ao Lalín, na oitava posición cos mesmos puntos que os do Morrazo e ambos a tan só a dous puntos do descenso.

Foron os locais os que, dende o principio do partido, se puxeron por diante no marcador e levaron a dianteira durante todo o partido, amosando unha boa intensiadade aínda que sen facer un partido brilante. Os carballeses mostráronse  moi superiores en todas as facetas do xogo e xa no intermedio mandaban con unha diferenza notable, 17-10.

Na segunda metade, os locais diminuiron a súa intensidade no xogo, sobre todo nas tarefas defensivas, pero en ningún momento viron perigrar a ansiada e necesaria vitoria final. Ao remate o electrónico sinalaba un 35-24 que permite aos de Carballo ascender ao sétimo posto da clasificación e distanciarse a catro puntos da zona de descens. O vindeiro compromiso do Ifecgás Pereira será, de novo en Carballo, o sábado 16 de xaneiro, fronte ao Rasoeiro Bm, outro dos equipos implicados na loita por salvar a categoría.

XORNADA 11

20/12/2009     IFECGÁS PEREIRA XIRIA 36 – BALONMÁN LALÍN 26

Ifecgás Pereira Xiria 36 (17+19): Naya, Brais (6), Zas (13), Miguel (7), Iago (6), Jorge Viñas (2), Dani (1) –equipo inicial- Bisbi, DavidGarcía, Martín, Cristian (1), Antón, David Álvarez, Adrián.

Balonmán Lalín 26(8+18): Iván, Uxío (4), Iago, Álex (7), José, Rodrigo (4), Manuel (5) –equipo inicial- Martín (2), Rubén (1), Adrián, Óscar (3), Ramón, Antonio.

Colexiado: Manuel Docampo.

11ª xornada de liga de División de Honra Xuvenil e importantísimos eran para os carballeses os dous puntos que había en xogo para tentar alonxarse dos postos de descenso.O partido disputouse no pavillón Bergantiños nunha xélida mañá na que os termómetros se situaban por baixo dos cero grados. O equipo visitante era o Balonmán Lalín, sétimo clasificado con catro puntos máis que os de Carballo.

Foron os locais os que levaron a dianteira no marcador dende o inicio do partido, con unha intensidade aceptable que se viña reclamando dende o inicio da competición. Os bergantiñáns amosáronse moi superiores en todas as fases do xogo e así puideron retirarse o vestiario ao remate da primeira metade con unha importante diferenza no marcador, 17-8.

Na segunda parte, os locais baixaron a súa intensidade, sobre todo en tarefas defensivas, e isto propiciou un toma e daca constante e un parcial nesta segunda metade de 19-18, mostra suficiente da inexistencia das defensas nas dúas áreas. O 36-26 final da un pouco de respiro aos carballeses que non podían permitirse outro erro, máxime despois da derrota esta mesma xornada do Rasoeiro en Ourense que apreta moito máis a clasificación na zona baixa.

O próximo encontro que disputará o Ifecgás Pereira será o próximo martes, día 22 ás 19.00 h, no pavillón da Zona Escolar fronte ao Balonmán Cangas. Este partido pertence á 5ª xornada e fora aprazado no seu día. Outros dous decisivos puntos en xogo posto que ambos equipos están igualados na clasificación.

XORNADA 10

12/10/2009     CALFONCAL LAVADORES 41 - IFECGÁS PEREIRA XIRIA 22

Calfoncal Lavadores 41 (16+25): David, Manuel (7), Rafa (9), Joaquín (5), Darío (2), Aarón (3), Brais (3) -equipo inicial- Nico (5), Tomás (4), Carlos (1), Campa (1), Iván (1), Manuel.

Ifecgás Pereira Xiria 22 (11+11): Naya, Iago (4), Brais (7), Antón (3), Dani (3), Jorge Viñas (2), David Mallo (1) -equipo inicial- Bisbi, David García, Adrián, Miguel (2), Martín.

Colexiados: Carla Díz e Ana Correa.

O Ifecgás Pereira Xiria caía derrotado a domicilio na 10ª xornada de liga na División de Honra Xuvenil ante o Calfoncal lavadores por un contundente 41-22.

O equipo carballés contaba para este encontro coa baixa de Álex Zas, convocado co equipo sénior. Sen embargo, este factor non xustifica o desastroso partido dos carballéses fronte un rival moi asequible, que simplemente se dedicou a xogar ordenado e con intensidade en defensa. O encontro foi sempre de cara para os locais, grazas sobre todo á súa maior entrega, actitude e á labor da súa defensa. O Ifecgás Pereira iniciou o encontro despistado e frío, os carballeses xogaban andando e o balón circulaba moi lentamente. O Lavadores xogou moi ben as súas cartas, os seus xogadores estaban atentos, concentrados e contundentes na defensa e aproveitando os contragolpes para marcar diferenzas no electrónico, xa que os xogadores visitantes se amosaban moi indolentes no balance defensivo. No ataque posicional, os de Vigo só se limitaban a aproveitar as facilidades e a pasividade defensiva dos bergantiñáns. Xa no descanso o marcador era favorable os locais por 16-11, grazas a un parcial de 5-0 nos últimos minutos cando o partido ía 10-8 e aínda non se decantara para ningún equipo.  

Na segunda metade a dinámica do xogo foi semellante, o Lavadores incrementaba pouco a pouco a diferencia ao seu favor, ata o parcial de 7-0 nos últimos minutos que rematou por aplastar ao Ifecgás Pereira Xiria. Ao remate da contenda, un doloroso 41-22, fai que os de Carballo volten a ocopar o décimo posto da clasificación, a tan só dous puntos do descenso logo da vitoria do Rasoeiro ante o Atl. Novás.

Nos próximos encontros a disputar polo Ifecgás Pereira, os de Carballo xoganse o ser ou non ser na categoría, dúas finais para os de Bergantiños e catro puntos en xogo que hai que gañar como sexa. O primeiro destes choques será o próximo domingo, día 20, ás 12.15 h no pavillón Bergantiños fronte ao Bm Lalín. O segundo será o martes, día 22, ás 19.00 h, na Zona Escolar fronte ao Balonmán Cangas.       

XORNADA 9

29/11/2009    IFECGÁS PEREIRA XIRIA 43 – SAR PEGUFORM 22

Ifecgás Pereira Xiria 43 (23+20): Bisbi, David García (7), Zas (5), Brais (8), Miguel (9), Iago (6), Dani (2) -equipo inicial- Jorge Viñas (2), Antón, Adrián, Jorge Docampo (1), Martín, Naya, David Álvarez.

SAR Peguform 22 (12+10): Diego, Domínguez (11), Roberto (3), Porteiro (1), Bruno (3), Anxo (1), Adrián (2) -equipo inicial- Santi (1), Pereira, Ricardo, Pablo, Mauro.

Colexiados: José Carlos Fernández. Non influíu no resultado final nun encontro sinxelo.

Era un partido moi importante para o Ifecgás Pereira Xiria, xa que unha derrota deixaríao en postos de descenso e fronte a un rival directo por fuxir dos postos de perigo. Os locais foron os que levaron a dianteira no marcador dende o inicio do partido, cunha alta intensidade, a mesma que lle viñamos reclamando dende o inicio da competición. Os carballeses mostráronse moi superiores en todas as fases do xogo, case sen ataques posicionais xa que a defensa e o contraataque noqueaban aos de Redondela. Así puideron retirarse o vestiario ao remate da primeira parte cunha ampla diferenza, 23-12. O público estaba a disfrutar nas bancadas, xa que parecía imposible que, desta volta, a vitoria se lles escapara aos da casa.

Na segunda metade, os locais diminuiron a súa intensidade, sobre todo en tarefas defensivas. Isto propiciou que a SAR reducise diferencias ata os oito goles, pero despois dun tempo morto solicitado polo entrenador local, os carballeses puxeron de novo terra de por medio con un parcial de  17-2 en quince minutos de xogo para establecer o 43-22 definitivo. Esta victoria aupa o Ifecgás Pereira Xiria ata o noveno posto da clasificación e xa pode respirar máis tranquilo o cadro de Carballo ata dentro de 15 días cando se enfronten ao Lavadores en Vigo.

XORNADA 8

21/11/2009     SD TEUCRO MOLDES 39 - IFECGÁS PEREIRA XIRIA 33

 SD Teucro Supermercados Moldes: 39 (21+18): David, Chapela (8), Pedro (8), Álex (7), Manuel (3), Iago (2), Isaac (2) –equipo inicial- Xian (1), Axel (2), Alberto (4), Garrido, Carlos (2), Fontenla, Eric.

Ifecgás Pereira Xiria 33 (13+20): Naya, Iago (2), Zas (6), Brais (8), David Álvarez, Barreiro (3), Antón (5) -equipo inicial- David García (7), Bisbi, Martín, Miguel (2), Adrián.

Colexiados: Fernando Eiras e Antonio Moledo.

 O Ifecgás Pereira Xiria viaxaba a Pontevedra para disputar contra o Teucro, cuarto clasificado, o partido da oitava xornada de liga na División de Honra Xuvenil.

O Ifecgás Pereira  iniciou o encontro con moitos erros e imprecisións, que deron aos locais unha pronta e fácil renda que foron aumentando, de forma sinxela, ata o abultado 21-13 que sinalaba o electrónico ao descanso e que deixaba o partido case sentenciado. O Teucro acadou esta comoda renda sen necesidade de facer un bo xogo, chegoulle tan só con aproveitar as facilidades que lle daba o Xiria e cos seus dous laterais como estiletes principais.

No reinicio o Ifecgás Pereira Xiria loitou, con máis corazón que cabeza, e isto propiciou que os carballeses se achegaran no marcador ata os cinco goles de diferenza, xa que, nos últimos dez minutos, fixeron unha e ata dúas mixtas que deron os seus froitos e permitiron numerosas recuperacións de balón que maquillaron o resultado e permitiu que os visitantes gañaran a segunda parte cun parcial de 18-20.

O próximo encontro que disputará o Ifecgas Pereira será na casa, o vindeiro sábado, ás 10.30 h, no Pavillón da Zona Escolar, fronte á SAR de Redondela, nun partido fundamental para ambos equipos para fuxir dos postos perígosos da clasificación.

XORNADA 7

15/11/2009     IFECGÁS PEREIRA XIRIA 29 – CAIXANOVA OCTAVIO 36

Ifecgás Pereira Xiria 29 (16+13): Naya, Brais (7), Zas (6), Iago (7), Jorge Viñas, Antón (2), Dani (2) –equipo inicial- Miguel (5), Bisbi, Jorge Docampo, Martín, David Álvarez, Adrián, David García.

Caixanova Octavio 36 (17+19): Eduardo, Pablo (8), Antonio (6), Andrés (3), Adrián (4), Rubén (2), Jesús (2) –equipo inicial- Diego (5), Miguel (2), Mouriño (1), Veloso (1), Chantada, Joaquín, Germán (2).

Colexiados: Agustín Álvarez e Jorge Martínez.

O Ifecgás Pereira Xiria recibía na sétima xornada de liga na División de Honra Xuvenil a visita do Caixanova Octavio de Vigo, un dos favoritos ao título.

O equipo carballés comezou o encontro con unha boa intensidade, parecía un equipo totalmente diferente ao que perdera en Pontevedra había tan só sete días. A forte defensa e a actitude que se vía non tiña nada que ver coa de aquel partido, e iso era bo para os de casa. De todos modos prevíase un encontro moi longo, no que había que manter a concentración durante todo o choque, dado o nivel do conxunto rival. Grazas ás paradas do seu porteiro e á calidade dos seus xogadores, o Octavio mantivo vantaxes curtas durante toda a primeira parte. Pero os mellores trinta minutos do Ifecgás Pereira no que vai de campionato facían manter as ilusións cara a reanudación, xa que no intermedio os de Carballo só estaban un tanto por debaixo no electrónico, 16-17.

A reanudación foi intensa e vibrante, tanto como o fora a primeira metade e o espectáculo que se estaba a vivir era notable e así o reflectían as dúas afeccións presentes no pavillón. O marcador parecía que definitivamente ía favorecer aos de Vigo, xa que semellaba que os de casa desfalecían un pouco e non eran capaces de competir coa maior profundidade de banquillo que tiñan os visitantes. Mediada a segunda parte o Octavio vigués alcanzaba unha diferencia de catro goles que xa foi imposible de remontar, aínda que os xogadores carballeses o tentaron por todos os medios.

En liñas xerais, o partido deixa boas sensacións para futuros compromisos do Ifecgás Pereira Xiria, xa que foi quen de competir cara a cara cun equipo, o vigués, chamado a loitar polo título final.

A vindeira fin de semana o Ifecgás Pereira Xiria terá outro complicado encontro na pista da SD Teucro de Pontevedra, outro dos conxuntos que están a loitar na zona alta da clasificación.

XORNADA 6

07/11/2009     CISNE 39 - IFECGÁS PEREIRA XIRIA 25

Cisne 39 (21+18): Adrián, Chan (9), Miguel (5), Andrés (3), Estanislao (1), Enrique (2), Pablo (15) –equipo inicial- Juan, Ángel (1), Eloy (2), Carlos (1), Antonio, Diego.

Ifecgás Pereira Xiria 25 (12+13): Naya, Iago (3), Zas (11), Brais (4), David Álvarez, Jorge Viñas, Antón (2) -equipo inicial- Dani (3), Bisbi, Martín, Miguel (2), Adrián, David García.

Colexiados: Andrés Rosendo e Carla Diz

Dificil encontro o que debía disputar o Ifecgás Pereira Xiria na sexta xornada de liga na División de Honra Xuvenil. Os carballeses viaxaban a Pontevedra para enfrontarse ao Cisne, lider invicto.

O Xiria volveu a amosar a súa peor faciana e prantouse na pista pontevedresa falto de intensidade e concentración. O Ifecgás Pereira comezou o encontro con moitos erros e imprecisións o que provocou que os locais acadaran pronto e demaneira doada unha renda de catro goles que se notaría demasiado no resto do partido e, sobre todo, no ánimo dos xogadores carballeses para competir ante un Cisne que puxo un alto ritmo de partido. O Cisne pronto se manexou con diferenzas cómodas que ían crecendo fronte a un equipo carballés entregado. O 21-12 que sinalaba o electrónico no descanso deixaba practicamente as portas pechadas ao Xiria para acadar algo positivo, salvo que o panorama cambiara radicalmente.

No reinicio o Ifecgás Pereira Xiria loitou, aínda que máis con corazón que coa cabeza. Isto propiciou que os visitante se achegasen no marcador ata os tres goles de diferenza. Pero nos derradeiros minutos os do Lérez  voltaban a poñer unha marcha máis e remataban con todas as esperanzas do equipo verde que, de novo, baixaba os brazos, xa faltos de alento. Ao remate, un duro 39-25 do que haberá que recuperarse rapidamente para comenzar a sumar máis puntos nos vindeiros encontros. 

Na vindeira xornada o Ifecgás Pereira Xiria recibe, domingo ás 12.15 h, no Pavillón da Zona Escolar de Carballo, ao potente Caixanova Octavio de Vigo, un dos equipos chamados a loitar polo campionato. 

XORNADA 4

25/10/2009     IFECGÁS PEREIRA XIRIA 26 – DCR SEIS DO NADAL COIA 30

Ifecgás Pereira Xiria 26 (10+16): Naya, Brais (9), Zas (6), Iago, Jorge Viñas (1), Antón (5), Dani (3) –equipo inicial- Miguel (2), Bisbi, Jorge Docampo, Martín Rial, Cristian, David Mallo, Adrián.

DCR Seis do Nadal Coia  30 (14+16): Carlos, Abraham (10), David (6), Alberto (3), Alexandre (3), Gabriel (2), Victor (2) –equipo inicial- Diego (4), Guillermo, Adrián, Ángel, Ramón, Manuel, Óscar

Colexiados: Manuel Docampo e Julio López

O Ifecgás Pereira Xiria recibía na cancha da Zona Escolar ao potente equipo do Seis do Nadal vigués, e os de Carballo sairon derrotados por 26-30.

O Ifecgás Pereira Xiria comezou o encontro cunha boa intensidade, parecía un equipo totalmente diferente ao que perdera en Ourense facía tan só sete días. A forte defensa e a actitude que se vía non tiña nada que ver coa de aquel partido, e iso era bo para os da casa. De todos modos, todos sabían que o partido ía ser moi longo e que había que manter a concentración dado o nivel do rival. Así foi, e coas paradas do porteiro e a calidade dos xogadores de Vigo, estes dominaron o marcador e mantiveron vantaxes curtas durante toda a primeira parte. Un arreón final dos visitantes facía que se foran ao descanso con catro goles de vantaxe, 10-14.

A reanudación foi intensa e vibrante,tanto como o fora a primeira metade, o espectáculo que se estaba a vivir era notable e así o reflectían as dúas inchadas presentes no pavillón carballés. O marcador parecía que definitivamente ía favorecer aos do Sedona, xa que gañaban por dez goles de diferencia, pero foron os últimos dez minutos cando os de casa comenzaron a recurtar diferenzas grazas a unha defensa presionante sobre dous dos xogadores máis destacados do equipo contrario. Pero non houbo tempo suficiente para que os do Xiria pudesen achegarse máis e o encontr remataba con un 30-36 a prol dos de Coia. Hai que ser xusto e dicir que o Ifecgás Pereira Xiria nesta ocasión si foi o equipo que todos agardabamos, con esa loita e esa intensidade que todos votamos en falta a xornada pasada fronte un equipo moi inferior aos carballeses. Felicitar os rapaces do Ifecgas Pereira Xiria porque este e o camiño a seguir e con esta actitude e intensidade a bo seguro que os resultados chegarán.

Na vindeira xornada o Ifecgás Pereira Xiria recibe, domingo ás 12.15 h no Pavillón da Zona Escolar, ao Promalar Cangas.

XORNADA 3

17/10/2009     BM. PABELLÓN OURENSE 27 - IFECGAS PEREIRA XIRIA 23

Bm Pabellón Ourense 27 (14+13): Fernando, Rivas (9), Ángel (5), Nieto (4), Pablo (4), Anxo (2), Iván (1) -equipo inicial- Víctor (1), Adán (1), Diego, Manuel, Ángel, Sotelo, Sebastián.

Ifecgás Pereira Xiria 23 (10+13): Naya, Iago (4), Brais (9), Antón (1), Miguel (4), Jorge Viñas, David Mallo -equipo inicial- Bisbi, David García (5), Adrián, Cristian, Martín.

Colexiados: Alfonso Canitrot e Rubén Castro.

O Ifecgás Pereira Xiria desprazouse ata Ourense para enfrontarse ao Bm Pabellón en partido da 3ª xornada de liga na División de Honra Xuvenil. O equipo carballes, que viaxou moi mermado, con varios dos seus efectivos lesionados e con gripe, ademais de Álex Zas que non se desprazou por estar convocado co equipo de 1ª Estatal, caeu derrotado por 27 – 23.

Pero ningún destes factores xustifica o desestroso partido que fixeron os de Carballo, fronte a un rival moi limitado e chamado a loitar por non descender de categoría. O encontro foi sempre de cara para os locais, a pesar da súa inferior calidade, grazas, sobre todo, á súa maior entrega, actitude e a labor do deu porteiro, o seu mellor xogador con moita diferenza. O Ifecgás Pereira iniciou o encontro despistado e frío mentres que o equipo ourensán amosouse moi superior no seu carácter competitivo. Os bergantiñáns xogaban andando e o balón circulaba moi lentamente, moi lonxe do excelente balomán que lles levara a acadar o ano pasado o cuarto posto na liga de División de Honra na categoría cadete. O Bm Pabellón xogou moi ben as súas cartas, mostrándose os seus xogadores atentos, concentrados, contundentes na defensa 6:0, apioados polo seu porteiro, e no ataque posicional só se limitaban a aproveitar as facilidades e a indolencia defensiva dos visitantes. Xa no descanso o marcador era favorable aos locais por 14-10. 

Na segunda metade as cousas continuaron igual, os de Ourense mantiñan a igualdade parcial no electrónico nesta reanudación e polo tanto as distancias movianse neses guarismos de tres ou catro goles a prol dos locais. Nin o cambio de defensa a 6:0 nin a defensa individual precticada polo Xiria nos últimos momentos deron os seus froitos e o que xa empezara mal, remataba peor, con unha dolorosa derrota por 27-23 ante un equipo inferior en calidade, pero que foi superior en todo aos de Carballo.

Na videira xornada o Ifecgás Pereira Xiria recibe, domingo 25 ás 12.00 h, no Pavillón da Zona Escolar de Carballo, a un dos favoritos ao título, o Seis do Nadal vigués.      

XORNADA 2

10/10/2009      IFECGAS PEREIRA XIRIA 27 – MECALIA ATL.NOVAS 31

Ifecgás Pereira Xiria: 27 (16+11): Naya, Brais (3) ,Zas (12), Iago (4), Antón (3), Dani (2), Miguel (2) -equipo inicial- David Álvarez, Martín, Adrián, Jorge, David García (1).

Mecalia Atl. Novás:  31 (13+18): Sergio, Jorge (4), Marcos (2), Mario (4), Miguel (10), Carlos (6), Gabriel (5) -equipo inicial- Diego, Fabián, Juan, Dorado, Sousa, Estévez, Fernández.

Colexiados: José María García. Non tivo un partido afortunado, aínda que non influíu no esultado final.

Mal partido do Ifecgás Pereira Xiria que deixou escapar dous puntos importantísimos cando xa os tiña practicamente no peto.

O partido comezou cun equipo local entregado pola causa e arrollador, o que provocou que o tecnico visitante tivese que pedir un tempo morto cando o marcador reflectía un contundente 5-1 a prol dos de Carballo. Pero, tras este tempo morto, un parcial de 0-5 poñía ao equipo do Rosal por diante no marcador dunha forma imcomprensible, ante un Ifecgás Pereira Xiria que non foi quen de reaccionar. A igualdade foi a tónica xeral da primeira parte a partir deste intre, tan só rota en dúas ocasións polos bergantiñáns con sendos 3-0 de parcial, que posibilitaba o 16-13 que debuxaba o electrónico no descanso.

A segunda parte seguíu coa tónica da igualdade, aínda que sempre con vantaxes curtas de dous e tres goles para os de casa. Cando parecía que o Ifecgás Pereira Xiria se ía quedar cos dous puntos chegou a debacle, dunha maneira pouco entendible: Faltaban dez minutos para o remate do partido, o equipo da casa controlaba o encontro, gañaba de tres tantos e contaba coa posesión do balón e por riba, os do Rosal tiñan un xogador menos na pista. Foi entón cando tres pases directamente ao contrario regaláballes tres goles aos xogadores do equipo contrario, o que supoñía o empate. Para o Xiria remataba o partido, o exceso de ansiedade provocaba erro tras erro, e os do Novás, que xa daban o partido por perdido, saían reforzados e espoleados polos agasallos dos locais, facendo en pouco tempo un 0-6 de parcial.

Derrota máis que dolorosa para os carballeses pola forma en que se producíu, pero unha lección a aprender no futuro para non voltar a caer nos mesmos erros.

A Vindeira xornada o Ifecgás Pereira Xiria visitará a pista do Bm Pabellón Ourense.

XORNADA 1

03/10/2009     RASOEIRO BM 29 - IFECGÁS PEREIRA XIRIA 30

Rasoeiro Bm 29 (15+14): Aarón, Bruno (2), Ismael (4), Abraham, Robin (5), José (5), José Luis (13) -equipo inicial- Luis, Iñaki, Sergio, Alexandre, Daniel.

Ifecgás Pereira Xiria 30 (13+17): Naya, Antón (6), Zas (9), Iago (4), Martín, Brais (7), Dani (3) -equipo inicial- David (1), Jorge, Adrián, Iván, Cristian.

Colexiado: Águeda e Iván Meijide. Non estiveron afortunados, pero non tiveron inflluencia no resultado final dun encontro que se puido decantar para calquera dos dous bandos.

O Ifecgás Pereira Xiria comezaba a súa andaina na liga de División de Honra xuvenil 2009-2010 no Pavillón Municipal do Grove onde se medía ao Rasoeiro Bm, un equipo recén ascendido pero que conta cun bo plantel.

O partido estivo á altura das expectativas e, aínda que os equipos no estiveron finos, si mantiveron un nivel de competitividade aceptable, o que posibilitou un encontro atractivo para o espectador por mor da igualdade que reinou na pista.

A primeira metade transcorreu con absoluta igualdade, os empates e as vantaxes de un gol era a tónica xeral, ata que o Rasoeiro nunca superioridade, poñía terra de por medio e íase de tres goles cerca do descanso. Sen tempo para máis, os do Ifecgás Pereira Xiria conseguían facer o seu gol número 13 e deixaban as espadas en todo o alto cara a reanudación, 15-13.

Na segunda parte, o partido comenzou de xeito semellante á primeira, pero eran agora os locais os que mantiñan a dianteira con curtas vantaxes. Chegábase, desta maneira, aos últimos cinco minutos de partido onde o Xiria conseguía empatar o encontro.

Dende aquí ata o final a incertidume reinaba no Municipal do Grove, unha incertidume que rompeu Álex Zas cun lanzamento exterior a falta de dous minutos e un gol en contaataque despois dunha interceptación defensiva a falta de un minuto para o remate. Nos derradeiros segundos de partido, os mecos non foron quen de batir a portería carballesa e desta forma os primeiros dous puntos da competición viaxaban a terras bergantiñás.

Na próxima xornada ,o Ifecgás Pereira Xiria enfróntase, o sábado no Pavillón da Zona Escolar de Carballo, ao Mecalia Atl. Novás, que ven de derrotar de xeito contundente ao Bm Pabellón Ourense.